June ni 13, 2015 (Inrinni) khan Mizo Chelsea Supporters' Club chuan English Premier League leh League Cup-a Chelsea Football Club an champion lawmnan Civil Hospital Aizawl-ah thisen unit 21 an pe.

Thisen pe tura kal hi hriattheih chinah mi 50 chuang an ni a, Pek vek tum mahse chhan hrang hrang vanga pe thei lo an awm nual thung. Thisen pe thei mi 21 zingah hian Manchester United fan pakhat Lalsangkima (Moris Hmar ) leh Arsenal fan pakhat H. Lalhmingmawia (Amawia Hmar GMS ) te an tel a ni.

Champion lawmnan a thisen pe leh a pe thei ve ta lo zawng zawng chungah MCSC chuan lawmthu a sawi a, A bikin Club dang fans tawiawm tute chungah lawmthu a sawi tak meuh meuh a ni.

India hmarchhak state Mizoram chhungah hian Football chuan hmun ropui tak a chang chho zel a, European Football chuan 1990 hnu lamah lawm a hlawh zual a, English Premier League club te ngat phei chuan fans an ngah hle mai. Heng European Football fans-te hian tlawmngaiin thisen an pe thin a, kum tin hian a khat mawi tawkin club hrang hrang fans ten thisen an pe thin. Hei hi Mizoram chhungah chuan kalphung pangaiah neih a ni tawh a, a lawmawm hle a ni.