Mizo basketball LEGEND tia chhal ngam JOHN FANAI Chawnpui veng chu kan chan ta! John Malsawmtluanga Chawnpui hi tukin zing dar 1 vel khan a boral a, Mizoram basketball club tha thin Spit fire, VKL, Club Francis etc. tan mai bakah Mizoram tan a basketball thiamna te a lo hmang tawh thin.
Inkhelh a chawlhsan tawh hnuah pawh Mizoram basketball tan tha nasa takin ala thawh a MIZORAM SUB JUNIOR team te NATIONALS CHAMPION hial te a nih pui leh bawk.National referee te niin Mizoram basketball tan hian a thawhhlawk takzet ani.Kan hriat theih chinah amah chiah hi basketball quota vang liau liau a Mizoram police a lak awmchhun a ni.
Heti khawpa Mizoram basketball tana mi tangkai leh rohlu a boral ta hi Basketball leh sports ngainatute chuan an ui hle a, an ui thu Social Networking lamah an tarlang nasa hle. VIKINGS pawhin thuchhuah siamin, "Heti khawpa Mizoram basketball tana mi tangkai leh rohlu kan chan hi VIKINGS chhungkua chuan pawi a ti takzet a,a kalsan tak a chhung leh khat laina hnai te Pathian engkimtithei chuan awmpuiin thlamuan mawlh rawh se tih hi kan tawngtaina a ni", tiin an official page-ah an tarlang a ni.
picture credit : Mission Veng Vikings Basketball Club