20 Sep 2020 07:26

inkhel

Misano MotoGP: Maverick Vinales pakhatna a ni

Maverick Viñales chu Emilia Romagna Grand Prix-ah pakhatna a ni a, 2020 MotoGP season-ah chak ber a nih vawi khatna a ni.

Yamaha rider Maverick Viñales hian a tir lamah Pramac Ducati rider Jack Miller a lehpel a, hmahruaitu a ni chho a. Jack Miller hi a hnuah a engine chian loh vangin a tal buai a, a tawp thlengin a tlan theih loh phah nghe nghe a ni.

Viñales tlan fuh loh nangin Ducati Francesco Bagnaia chuan lap 6-na atangin hma a hruai ve thung a. A bike a chak tha bawk a, a hnunga tlante nen an inkar chu a tizau tial tial a.

A hnu deuhah KTM rider Brad Binder chu a chesual a, a hmasa pariat zinga la tel Yamaha rider Valentino Rossi pawh a chesual ve bawk a, a tlan zui theih loh phah a ni.

Francesco Bagnaia chuan hma a hruai tluang zel a, kawng kawi pakhatah a chesual palh hlauh mai a, he mi remchangah hian a hmaa hmahruaitu Maverick Viñales bawk chuan a rawn lehpel leh ta chiah a ni.

A tawp thlengin Viñales hi lehpel thei an awm ta lo a, pakhatna niin, tun season chhungin pakhatna a nih hmasak ber a ni a, 2020 chhunga pakhatna ni thei parukna chiah a ni.

Suzuki rider Joan Mir chu pahnihna niin, pathumna chu KTM rider Pol Espargaro a ni a. Yamaha rider Fabio Quartararo chu palina niin, a hnungah hian KTM rider Miguel Oliveira chu a awm bawk a ni.

Emilia Romagna Grand Prix result:

1 . Maverick Viñales, Yamaha
2. Joan Mir, Suzuki
3. Pol Espargaro, KTM
4. Fabio Quartararo, Yamaha
5. Miguel Oliveira, KTM
6. Takaaki Nakagami, Honda
7. Alex Marquez, Honda
8. Andrea Dovizioso, Ducati
9. Franco Morbidelli, Yamaha
10. Danilo Petrucci, Ducati
11. Johann Zarco, Ducati
12. Alex Rins, Suzuki
13. Bradley Smith, Aprilia
DNF
Iker Lecuona, KTM
Francesco Bagnaia, Ducati
Valentino Rossi, Yamaha
Tito Rabat, Ducati
Jack Miller, Ducati
Brad Binder, KTM
Aleix Espargaro,, Aprilia