Milan mithar Bertolacci.

30th June 2015, 05:06AM

AC Milan chuan AS Roma atangin Italian midfielder Andrea Bertolacci an lalut a, £14.2m (€20m) vel sengin kum li daih contract an ziahpui.

Kum 24 mi Bertolacci hian Roma thuneihna in kum 2012 nipui lai khan Genoa a zawm a, tuna transfer an buaipui dawn hian Roma-ah a kir a Thawhtanni khan medical test neiin Milan-ah hian a in ziaklut.

Contract a ziahfel hunin Bertolacci hian, "Club pawimawh tak ka zawm a, inkhelh hlan ka nghakhlel tawh khawp mai. A hma pawhin Milan hi ka duhber an ni a, ka khelh chakna ber an ni a min hip hle."

"Season khirh tak a liam hnuah hmachhawp pawimawh tak a awm a, hmasawn ka ngai a ka mamawh bawk. Theihtawp ka chhuah dawn a, a sang thei ang ber thlen ka duh." tiin Milan Channel hnenah a sawi.

Bertolacci hian Italy tan Under-16 atanga Under-21 thlengin a khel kim vek a, senior team tan pawh game thum a khel tawh bawk a ni.

Copyright © inkhel.com 2024. All rights reserved.