Milan club pahnih Inter Milan leh AC Milan te chuan, Arsenal striker Florian Balogun lakluh an duh ve ve a, USA striker hi an inchuh dawn niin a lang.

Tun season khan Balogun hi French club Reims-ah loan in a khel a, Ligue 1-ah goal 22 thunin a che tha hle a, mahse Arsenal-ah hian rinrawl ber a nih theih dawn loh avangin, input chhuak leh mai a duh nia tarlan a ni.

Inter Milan leh AC Milan bakah hian Italian club dang AS Roma pawhin kum 21 mi hi an duh niin Daily Mail chuan a tarlang a, season tharah Balogun hi Italy-ah khelh ngei a rinawm chho hle.

Balogun hian inkhelh tam a duh a, mahse loan-a chhuah erawh a duh tawh lo niin chanchinbu mite chuan an ziak bawk a, Arsenal hian rinrawl bera hman an tum loh avangin a nghetin Balogun hi a inpu chhuak lovang tih a sawi theih loh.

Arsenal hian Gabriel Jesus an hmang ber a, back up atan Eddie Nketiah an nei bawk. Arsenal hian an squad thawm thatna tur sum an mamawh bawk nen, Balogun hi hralh mai an pawi ti lo maithei a, a phu tawka dawrtu an awm chuan a ngheta an chhuah tir an hnial a rinawm loh.

Balogun hi Arsenal academy chhuak a ni a, kum 2020 atang khan first team ah awmin, Middlesbrough leh Reims-ah te loan in a khel chhuak tawh a, tunah hian kum hnih daih contract Arsenal-ah a la nei a ni.