5 Live Boxing-a an pundit Steve Bunce chuan tun hnaiah Mike Tyson chu rawn kir tum viau mahse a daih rei tak tak a rin loh thu a sawi.

Kum 53 mi Tyson hian social media lamah te a training lai dahchhuakin, a la chet ran zia leh a la hnek nat zia te a langa, mahse Bunce chuan eng vakah a ngaih sak lo.

Tyson hi heavyweight boxer ropui ber te zinga mi a ni a, kum 1986 khan a world title hmasa ber la in, boxing chanchina world heavyweight champion ni thei naupang ber a ni.

Bunce chuan, “Tunah hian khawvelah boxer 88kgs chunglam Tyson hneh thei tur hi an tam hle ang. Chu chu thu dik a ni. Tyson hian kum 53 mi tho a inhnekpui a nih ngawt loh chuan minute khat hnuah chuan en tlak a awm lovang.

“Tyson hi gym-ah kum 20 vel a awm loh hnuah a rihna tlemin a rawn ti tla hniama, chutah a mah ti lang mawi thei tu tur nen pad training an nei leh bawk. Hei hi chiang takin ka sawi ngam; glove tak tak han bun se, fight tak tak han hmachhawn se, tu pawh hmachhawn mahse second 30 hnuah chuan kum 53 mi tho a ni leh ang. Boxing a ni a, tih mai mai chi a ni lo, thil serious a ni,” a ti.