​Mihring tlan chak ber a positive

27th August 2020, 04:08AM

Khawvela mihring tlanchak ber nihna hauh mek tu Usain Bolt chu coronavirsus a positive tih puan a ni.

Bolt hian kar hmasa khan an ram Jamaica-ah a piancham vawi 34-na a lawma, hemi hnu hian venthawn thilah in quarantine nghalin, Inrinni khan a in test tir bawka, a positive tih hmuhchhuah a ni.

Bolt-a agent Ricky Simms chuan CNN hnenah email thawnin, Bolt a positive thu hi a sawi a, “Usain-a test chu a positive ngeia, mahse Usain hian symptom a nei lo,” a ti.

Bolt hi kum 2017 khan London-a neih World Championships-ah a retire fela, Olympic gold medal pariat a lak bakah,intlansiakah world champion vawi 11 lai a ni bawka, 100m leh 200m-ah world record kawl tu niin, mihring piang tawh zawng zawnga sprinter ropui ber anga ngaih a ni.

Coronavirus chuan khawvel a nuai zela, mi maktaduai tam takin nunna an chan phah tawha, tun thlengin a la rem lova, khawvela mihring tlanchak ber meuh pawhin a tlansan thei meuh lova, fimkhur a ngai hle a ni.

Copyright © inkhel.com 2025. All rights reserved.