Mizo ten basketball kan tui tanna chu Michael Jordan hi a ni ti ila kan sawi sual tam hauh lovang. Jordan hian nasa takin NBA a vawrh bawk a, vawiin thlengin khawvel pumah fans a la ngah em em reng a nih hi.

Entertainment Weekly-in a tarlan danin Streaming Service Netflix leh ESPN films te chuan Michael Jordan-a chanchin documentary "The Last Dance" chu kum 2019 atanga tihchhuah an tum a, Part 10 laia thui a ni dawn a, hetah hian Michael Jordan-a NBA Career chu kimchang takin a lang dawn a ni.

He Documentary hi Jason Hehir chuan a direct dawn a, Jordan-a rawn larchhuah dan, 1990s-a Chicago Bulls ropui taka a hruai lai leh NBA title 6 lai a lakpui dan te leh NBA nasa taka a lar phah dan chanchinte a ni dawn.

He Documentary film-ah hian Jordan chu interview a ni dawn a, 1990s Bulls team-te pawh an lang nual bawk ang. Darkar 500 chuanga sei a ni dawn a, hetah hian 1997-98 season video footage la tlangzarh loh te pawh a tel nawk dawn, hemi season hi Jordan-a hun tawp niin title paruk a lakna chuan khar a ni dawn a ni.

Mizo zingah Netflix en thin kan tam hle mai, he documentary hi Sports tuimite tan chuan a nghahhlelhawm tawh tak zet a ni. Netflix kan sawi ta sa sa, an original film hmuhnawm tak tak hian charms a va nei nasa tak em!

Dear White People, Lost in Space, The Standups, On My Block, Marvel's Jessica Jones, Love, Queer Eye, She's Gotta Have It, Dark, Black Mirror, Big Mouth, American Vandal, Mindhunter, Easy leh Glow te hi en ngei ngei chi. Stranger Things hmuhnawm zia hi, Winona Ryder la zei zia kha aw... Eleven te kha a cool reuh khawp mai, Serial hmuhnawm tak a ni chiang e.

Salvation pawh asteriod a rawn hnai tawh teh mai a nia aw, season 2 a chhuak leh tep tawh, July thla vel atangin tan a ni leh dawn a, episode 13 lai a awm leh dawn. Liam leh Grace an la inngaizawng dawn zui!