24 Sep 2020 01:15

bakteaJr.

Mizo tlangval

​Miami Heat-in Eastern Conference Final Game 4 ah hnehna an chang

Game thum khelh tawh a ni a, Miami Heat leh Boston Celtics ten NBA final khelh inchuhin chak ngei tumin an khel a, Miami Heat lam hian game thum khelh tawhah game hnih la in hma an hruaia, Cletics in game khat an la ve bawk.

Game 4 boruak a sang chho nghala, bul tan phat atangin team pahnih te an in um chho leh zak zak, Celtics lamah Kemba Walker in experience nei tha a nihna a tilang nghal a, a khel tha nghal. Heat lamah layer naupang Tyler Herro in a khel tha hle bawk. 

Game a tang chho viau a Celtics lamin an um chho deuh ngar ngar a, Mizo basketball khel thin te lo hmelhriat hmasak zone defense chu Heat lam hian an hmang a, a hre pha tan chuan lunglen thlak viau awm e. Celtics player pawimawh Jayson Tatum a che hleithei lo, 1st leh 2nd Quarter ah point nei lo in hun a hmang. Team pahnih te hi 3pts line atangin an lut hlei thei lova, chawlhlawk an hmang zo erawh game a dang ta deuha, a hma aiin 3pts pawh an lut thei chho tan.

Jayson Tatum in 1st half a khelh that loh hliahkhuh thei tur in 3rd quarter atangin bul a tan nghal a, Heat lam in 'Game 4 hi chu kan ta a ni' ti ni awm tak in an khel tha em em vek mai. Heat lamin 10points ten hma an hruai chho a. Celtics lam in nawr ve zelin 3rd quarter a zawh hian 76-77 niin, Heat lam hian point 1 chiahin hma an hruai. 4thquarter min 8:49 ah Celtics hian 85-84 in hma an hruai ve zuai a mahse Heat lam an khelh that tluan em avangin hma an hruai rei lo hle.

Quarter hnuhnung ber ah hian Celtics lam hian nawr viau mah se tihsual an neih leh zauh thin avangin Heat tan hun tha a ni zel. 4th quarter minute 1:00 la awmin game a hmuhnawm lehzuala, Celtics-in thih tha in an khel a, Heat hi awlsam te in an chak mai dawn emaw tih laiin 107-109 chauh in hma an hruai. Second 7.2 ala awm Jimmy Butler ball chang chu Marcus Smart chuan foul in, foul 5 a neih tawh avangin a foul out bawk a, free throw lut ve ve in 107-111 in hma an hruai leh ta. Second 4 a la awmin Celtics lam inbound chu Gordon Hayward in tip lutin 109-111 a ni leh ta. Second 1.8 chiah a awm tawh tihah Heat inbound chu Jimmy Butler bawkin ball la in an foul leh a, free throw nei lehin pakhat zawk a lut lo a, 109-112 in Heat in Game 4 ah hnehna an chang ta a ni.

Player Stats:

Heat

  • Bam Adebayo 20pts/12reb/2steals
  • Goran Dragic 22pts/5reb
  • Jimmy Butler 24pts/9reb
  • Tyler Herro 37pts/6reb

Boston

  • Jaylen Brown 21pts/9reb
  • Jayson Tatum 28pts/9reb
  • Marcus Smart 10pts/11ast
  • Kemba Walker 20pts/5ast
  • Gordon Hayward 14pts/7reb

Team Pahnihte khelhdan tlangpui:

  • Heat 42% , Celtics 47% FG
  • Heat 27% , Celtics 35% 3pts
  • Heat 88% , Celtics 80% FT
  • Heat 9 , Celtics 3 Steals
  • Heat 8 , Celtics 19 Turnovers
  • Heat 20 , Celtics 28 Assists

Celtics player ten turnovers an ngah zawk hi an chakloh chhan pakhat kan ti thei awm e.

Game thum khelh tur la awmah hian NBA Final khel turin Heat hian game khat chiah chak an mamawh tawh a ni.

Game 5 (26/09/20) Saturday, 6:00AM

Sony Six

Miami Heat vs Boston Celtics