Pornstar hlui Mia Khalifa chuan West Ham a tan thin a, social media lamah Hammers jersey ha in thlalak pawh a dah chhuak fo.

Mia Khalifa hian Watford leh Arsenal inhmachhawn tumin, Vicarage Road-ah Watford jersey hain inkhel a en ve a, Watford chu a club tan a nih tawh thu sawiin, Watford jersey nena a thlalak chu social media lamah a dah chhuak.

Sunday zan inkhelah Mia Khalifa hi Watford sponsor tu lian ber Sportbet.io. mikhual bik a ni a, inkhel chhung hian instagram leh social media hrang hranga a account-ah te Hornets tana a au lai a dah chhuak nghe nghe.

Kum 26 mi Mia Khalifa hi tunah hian sports talk show Out of Bounds-ah co-host a ni mek a, football lampang hi  a tui sa ve reng ni pawhin a langa, instagram lamah te pawh football lama a ngaihdan a sawi hmuh tur a lo awm fo tawh.

Mia Khalifa hi Lebanon khawpui Beirut-a piang a ni a, kum 2001 khan USA-a pemin tun thlengin a la awm. Kum 2014 leh Kum 2015 inkar khan pornstar niin a lar hle a, mahse tunah erawh pornstar ni tawh lovin social media model leh sports commentator hna te a thawk tawh a ni.