Arsenal manager Arsene Wenger chuan Chelsea manager Jose Mourinho chu midang zahna tlachham niin a sawi.

Emirates stadium-a Arsenal-in Chelsea an mikhual tum khan Gunners fans-te, "boring boring Chelsea" tiin an au rual dual dual a, an inkhel zawh hnuah Mourinho hian Boring chu kum sawm chhung Premier League nomawi chawiloh anih zawk thu a sawi.

Portuguese tawngkam chungchanga a ngaihdan an zawhnaah Wenger chuan, "Manager tana thil pawimawh tak chu manager puite zahna neih hi a ni. Hemi chungchangah hian hmasawn ngai chu an awm."

"Manager inkara buaina hi chu thleng ve fo thei a ni. Inbeih tak tak chuan boruak chu a sang duh khawp mai, mahse hunin a liampui ve mai niin ka ring a in zah tawnna hi thil pawimawh tak a ni." tiin a chhang.

Chelsea manager hian nikum February thla khan Arsenal manager 'Hlawhchham lama mi bik' tiin a lo sawi tawh a, nikum October thlaah tho khan Stamford Bridge-a an inhmachhawn tumin touchline-ah an lo in nam sak sak tawh bawk a ni.