Thawhtanni zan khan AFC Champions League Group Stage match-ah Al Nassr leh Persepolis an inhmachhawn a, goal awm loin an inhnehtawk.

He match-ah hian box chhungah Ronaldo chu kherhthluk a ni a, referee pawhin penalty a ham. Mahse Ronaldo chuan referee hnenah penalty tur a nih loh thu a hrilh a, referee Ma Ning chuan VAR hmangin a ennawn a, penalty a ham tawh chu a sut leh ta a ni.

Ronaldo chet dan hi a mawi kher mai, VAR hmang pawh khan ennawn pawh ni mah se, penalty ham a nih ngei a rinawm. Tihsual palh avanga intitlu palh a ni tih a chiang a, Persepolis player te chuan referee an hual, Ronaldo pawhin referee a pan nghal, penalty ham lo turin a va hrilh nghal mawlh mawlh.

Ronaldo chet dan hi a mawi a, infiammite chet dan mawi a nih thu media te chuan an tarlang nghal chuai chuai mai. He match-ah hian minute 17-na lekah Ali Lajami hnawhchhuah a ni a, kim loin hun rei tak Al Nassr an khel.

Goal lut loin team hnih te an inthahnem a, AFC Champions league group E-ah hian Al Nassr chuan point 13 nei tawhin, pahnihna Iran club Persepolis nen an inkar chu point 5 a ni mek.