Hockey India chuan February 25 atanga Senior Women National Camp neih turah tel thei tur mi 33 hming an chhawp chhuak a, heng zingah hian Mizo forward Lalremsiami pawh a tel.
India aiawh thei tura kohte hian February 25 atangin Sports Authority of India, Bengaluru Campus-ah camp hi an nei tan dawn a. Hockey India in mi 33 an thlante hi Chief Coach Sjoerd Marijne hnenah an in report a ngai dawn a, he camp hi March 31 thleng neih tura ruahman a ni.
Senior Women National Camp hi kar nga chhung neih tur a ni ang a, hemi chhung hian fitness, ball-handling speed, strength tih velah an insawrbing dawn a. Malaysia tour an neih dawn hnaih avanga hetianga inbuatsaih hi an ni dawn a ni.
Hmeichhe hockey team te hian Rani kaihhruaina hnuaiah Spain tour an nei zo deuh chiah a, Spain ramah hian vawi khat an chak (5-2) a, vawi khat an tlawm (2-3) a, vawi hnih chu an khingpuite nen an inhnehtawk (1-1 leh 2-2) bawk a. An khelhpuite hi 2018 Women’s World Cup ah khan bronze medal la thei khawpa tha an ni. Hemi hnu hian India chuan 2018 Women’s World Cup runners-up Ireland an hmachhawn a, 1-1 a an inhnehtawk hnuah India hi 3-0 in an chak leh bawk a ni.
Chief Coach Sjoerd Marijne chuan, “Inbuatsaihna hun nei tha lo viau mah ila Spain leh Ireland lakah kan khel tha hle a, hei hian kan team boruak pawh a titha hle a. Tun aia hma la sawn belh zel thei tur an ni a, chutiang tur chuan tan kan la dawn mek a. Player te hian training naah pawh theihtawp an chhuah a pawimawh a ni,” a ti.
“Camp kan neih turah hian an fitness kan ngaipawimawh dawn hle a, ball khawih dan pawh kan zir ngawrh viau dawn bawk a. Hun kan nei hnem dawn a, a tangkai thei ang bera hman kan tum hle a. Tour kan neih leh hunah Malaysia nen kan inkhel dawn a, hengah te hian theihtawp kan chhuah tak meuh a ngai dawn tih hriain, a inpuahchahna lam kan uluk a pawimawh a ni,” a ti bawk.
Koh tura chhawp chhuah zingah hian goalkeeper 3 an awm a, defender 9 awmin, midfielder 11 an awm a, forward hi 10 an awm bawk a ni.
Core Probables List
Goalkeepers
1. Savita
2. Rajani Etimarpu
3. Sonal Minj
Defenders
4. Deep Grace Ekka
5. Sunita Lakra
6. Sushila Chanu Pukhrambam
7. Gurjit Kaur
8. Rashmita Minz
9. Suman Devi Thoudam
10. Mahima Choudhary
11. Nisha
12. Salima Tete
Midfielders
13. Nikki Pradhan
14. Monika
15. Lilima Minz
16. Namita Toppo
17. Neha Goyal
18. Udita
19. Jyoti
20. Anuja Singh
21. Shyama Tidgam
22. Sonika
23. Karishma Yadav
Forwards
24. Rani
25. Lalremsiami
26. Navneet Kaur
27. Navjot Kaur
28. Rajwinder Kaur
29. Vandana Katariya
30. Anupa Barla
31. Priyanka Wankhede
32. Reena Khokhar
33. Leelavathy Mallamada Jaya