Mission Vengthlang TT Club vs Mission Veng La Paloma
Oil India Limited MHL Season 1 Zan 4-na chu september 8, 2015 Thawhlehni zan khan khel zawh a ni. Mission Veng La Paloma leh Mission Vengthlang TT Club khel hmasa in he rubber a singles hmasa berah Henry Laltanpuia Mission Veng leh Lalmalsawma reigning Champion Mission Vengthlang ten inkhel hi bultanin Lalmalsawma a khel thain Henry-a tan chet ngaihna awmloh khawpin boruak a rawn siam nghal a, Lalmalsawma hi a che rang in a offensive game that chu chhawr tangkaiin Malsawma hian straight set 3-0 in Henry-a lakah hian hnehna a chang.
Mission Veng in second singles-ah an no 1 Ramduhsanga chu rawn thawhchhuah tirin a service leh attacking game that hmang tangkaiin Sailoliana Mission Vengthlang chu 3-1 in a hneh. Tihian Mission Vengthlang 1-0 Mission Veng. Doubles match hmuhnawm takin zui lehnghalin Mission Vengthlang duo V.Lalmalsawma leh R.Lalliansanga te chuan B.Vanlalmuanpuia leh Lalremruata inkawp te chu 3-1 an hneh leh. Match 4-na ah hian B.Vanlalmuanpuia Mission Veng chuan R.Lalliansanga Mission Vengthlang chu 3-1 in a hneh ve leh a.
Tihian team pahnih te hi 2-2 chiah a la inhnehtawkin deciding match khelh an hmabak ta. Team pahnih te player tha ber an in hmachhawn ngei ngei a ngai ta, pressure sang tak hnuaiah match hmuhnawm tak khelin Ramduhsanga (MV LP) hian 1-0 in Lalmalsawma (MVTTC) lakah hma a hruai hman a, Malsawma offensive game leh footwork rang lutuk lakah awlsam taka chak tur chuan Sangtea tan hian thil har a ni, 1-1 an ni leh a, 3rd game-ah Sangtea’n hma hruai char charin, set point te a hmu hman hial a.
Malsawma hian a fighting spirit that chhawrin 14-12 in a lehthal. Game 4-na ah Sangtea hian a theihna zawng zawng nen khel ve lehin, game a la ve leh. Deciding an khelh ngei a ngai ta, a hmuna en mipui thawm tha tak karah Deciding match ah hian Lalmalsawma chuan Mission Vengthlang tan a theihna zawng zawng sawmkhawmin 3-2 Ramduhsanga chu a hneh ta ni. Tihian MHL match vawithum an khelh tawhah an vawikhat chakna ni turin Mission Vengthlang chuan Mission Veng La Paloma chu 3-2 in an hneh.
The Smashers, Vaivakawn vs Ramhlun Sporting Club
Match hnuhnung zawk ah, Ramhlun Sporting Club leh The Smashers Vaivakawn te an in tum a, Match hmasaber hi boruak a sangin mipui au thawm hnuaiah experience nei tha Players pahnih Isaac C Lalsawmliana leh C. Vanlalruata te’n an khel a, deciding khelin Mizoram No 1 ni mek Isaka Ramhlun lakah khel tha zawk Ruattea Vaivakawn chuan hnehna a chang.
The Smashers, Vaivakawn lam atangin defensive player B.Lalruatpuia rawn chhuak ve lehin, Ruatpuia hian 3-1 in chakna a chang ve leh. The Smashers, VVK Team te hian Ramhlun Sporting club chu 5-0 in an hneh a, C.Vanlalruata The Smashers, Vaivakawn chu Player of the Night a thlan a ni bawk. Lawmman hi Pu Sangzela Tlau in a sem a. Match Money leh Player of the Night te hian pawisa fai leh Super Mini Table Tennis table an dawng.
Results:-
Mission Veng La Paloma Vs Mission Vengthlang TT Club
1st Singles: Henry Laltanpuia (MV LP) 0-3 Lalmalsawma (MVTTC)
2nd Singles: Ramduhsanga (MV LP) 3-0 Sailoliana (MVTTC)
Doubles: B.Vanlalmuanpuia & Lalremruata Ralte (MV LP) 1-3 V. Lalmalsawma & R. Lalliansanga (MVTTC)
3rd Singles: B.Vanlalmuanpuia (MV LP) 3-1 R. Lalliansanga (MVTTC)
Reverse Singles: Ramduhsanga (MV LP) 2-3 Lalmalsawma (MVTTC)
MVTTC hian set 3-2 in Mission Veng La Paloma an hneh.
THE SMASHERS VAIVAKAWN VS RAMHLUN SPORTING CLUB
1st Singles: C. Vanlalruata (VVK) 3-2 Isaac C. Lalsawmliana (RSC)
2nd Singles: B.Lalruatpuia (VVK) 3-1 R. Lallawmsanga (Ramhlun)
Doubles: H.Laltanpuia & C. Vanlalruata (VVK) 3-1 R.Lalsangzuala & Lalzarzova (RSC)
3rd Singles: Lalchhanhima (VVK) 3-1 Lalzarzova (RSC)
Reverse Singles: Isaac C. Lalsawmliana (RSC) 0-3 C. Vanlalruata (VVK)
The Smashers Vaivakawn in Ramhlun Sporting Club chu 5-0 in an hneh a ni.