MHL Final-ah Tuikhuahtlang leh Bungkawn

22nd October 2015, 03:10PM

Oil India Mizoram Hexa League chu a hmawr bawk theih a ni dawn ta, Final-ah Tuikhuahtlang Table Tennis Club leh Bungkawn Games & Sports Association te an intum ang. Final khel thei tur hian Bungkawn hian Vaivakawn chu 3-2-in an hneh.

MHL hi October ni 20, 2015 (Thawhlehni) zan khan Mizoram Table Tennis Hall, Mission Veng-ah khelh chhunzawm niin rubber hmasa zawkah Mission veng La Paloma chuan Ramhlun Sporting chu 3-2-in an hneh a, rubber hnuhnung zawkah Bungkawn hian The Smashers Vaivakawn chu 3-2 thoin an hneh ve bawk.

Thawhlehni Zan Inkhel chu

Rubber hmasa zawkah hian Ramhlun Sporting Club leh Mission Veng La Paloma te an inkhel a, 1st leg-a 3-2-a hnehna changtu Mission Veng Bawkin 3-2-in hnehna an chang leh.

Match hmasa berah Mission Veng player F. Lalramdinliana chu 1-3-in R. Lallawmsanga (RSC) lakah chak lo mah se 2nd match-ah Ramduhsanga (MSV) chuan awlsam takin R. Lalzuiliana (RSC) chu straight set in a rawn hneh veleh a. Double-ah Henry Lal\anpuia leh Khamlianthanga (MSV) te \angdun chuan Isaac C. Lalsawmliana leh R. Lalsangzuala (RSC) te \angdun chu 3-1-in an rawn hneh veleh bawk.

Match 4-naah Isaac C. Lalsawmliana (RSC) chuan Henry Laltangpuia (MSV) chu 3-0-a a hneh hnu-ah Ramduhsanga (MSV) chuan R. Lallawmsanga (RSC) chuan 3-0-a a hneh veleh a, Mission Veng hi 3-2-in an chak ta a ni.

Rubber hnuhnung zawka Vaivakawn leh Bungkawn inkhel boruak a tang in a sang hle a, Final lut tur zawnna a nih avangin player-te pawh an fimkhur tawh hle a ni.

Match hmasa berah B. Lalruatpuia (VVK) chuan Lallianchhunga (BGSA) chu 3-0-in a rawn hneh nghal a, 2nd match-ah inkhel inhnehtawk tak karah Lalruatsanga (BGSA) chuan C. Vanlalruata (VVK) chu 3-2-in a rawn lehthal.

Double khelh zui niin Lalhmingmawia leh C. Vanlalruata (Vaivakawn) te tangdun chuan Samuel Lalhriatpuia leh David Zodinpuia (BGSA) te \angdun chu 3-2-in an rawn hneh veleh a, match score pawh 2-2 a ni ta.

Deciding match-ah team pahnihte strong player ve vete intumin tun league a khel tha leh hmasawn Lalruatsanga (BGSA) chuan Vaivakawn chopper B. Lalruatpuia (VVK) chu 3-0 ngawta rawn hneh veleh in, Bungkawn hi 3-2-in an chak ta a ni.

Player of the Night ah Mission Veng La Paloma Doubles player Khamlianthanga thlan a ni.

MHL Table

MHL league round chu khelh zawh a ni ta a, point 18 hmutu Tuikhuahtlang pakhatna an ni. Point 17 hmuin Bungkawn-in an dawt a, The Smashers Vaivakawn chuan point 15 hmuin pathumna an ni ve bawk. Point 15 tho hmutu Mission Veng La Paloma chu 4-na an ni a, 5-na chu Mission Vengthlang Table Tennis Club niin Ramhlun Sporting Club chu 6-na an ni ve bawk a ni.

Final chu

MHL final hi a hmun ngai MTT Hall, Mission veng-ah October ni 27, 2015 zan dar 8-ah khelh a ni ang a, dar 7:00 PM atangin programme tan a ni thung ang. Final-ah hian Tuikhuahtlang Table Tennis Club leh Bungkawn Games & Sports Association te an intum ang a,OIL India MHL Season I kharna in a zui nghal ang

Copyright © inkhel.com 2024. All rights reserved.