Mizoram Football Association (MFA) buatsaih hmeichhe pual football inelna MFA Women's League chu April ni 1, Thawhtanni khan AR Lammualah khelh chhunzawm a ni a, inkhel vawi hnih awmin Vakiria FC leh Maubawk Women FC an chak.
April ni 3, Nilainiah khelh chhunzawm leh a ni ang a, tlai dar 5:30 PM-ah Siaha DFA leh Chanmari Women FC an inhmachhawn ang a, zan dar 7:00 PM-ah Vakiria FC leh Maubawk Women FC an inhmachhawn ang.
5:30 PM: G&SA ITI 0-3 Vakiria
(Grace H. Lalrampari 2', Lalnuntluangi 23', Lalruatfeli Kullai 35+2')
Inkhel hmasa zawk Vakiria FC chuan si thum faiin G&SA ITI an hneh a, point 3 an hlawh chhuak. Vakiria FC hian match hnih khel tawhin point 6 an nei mek a, G&SA ITI pawhin match hnih khel tawhin point 3 an nei mek bawk. Vakiria FC tan Grace H. Lalrampari, Lalnuntluangi leh Lalruatfeli Kullai chuan goal khat theuh an khung.
Goal lut te hi first half-a lut vek an ni a, goal hmasa ber hi inkhel tan a tang a, minute 2-ah Grace H. Lalrampari chuan a khung.
Vakiria FC chuan inkhel thunun zawkin minute 23-ah Lalnuntluangi chuan an goal hnihna a khung leh a, goal lut tawh lo in hun chanve an hmang zo dawn emaw tih hnu huntawp dawn Added time-ah Lalruatfeli Kullai chuan an goal thumna a khung zui leh a, G&SA ITI chuan an siphurh hi huntawp thlengin an sut thei tawh lo a, Vakiria FC chuan 3-0 in hnehna an chang zui ta a ni.
April ni 5, Zirtawpni tlai dar 5:30-ah G&SA ITI hian Maubawk Women FC an hmachhawn leh ang a, zan dar 7:00-ah Vakiria FC hian Chanmari Women FC an hmachhawn ang.
07:00 PM-ah Maubawk Women FC 1-0 Siaha DFA
(Gladys Zonunsangi 35+2)
Inkhel hnuhnungah Maubawk Women FC chuan sikhat fai a, Siaha DFA hnehin point 3 an hlawh chhuak. Maubawk Women FC hian match hnih khel tawhin point 3 an nei a, Siaha DFA hian match hnih bawk khel tawhin point anla nei lo a ni.
Goal awmchhun hi first half huntawp dawn added time-ah Maubawk Women FC tan Gladys Zonunsangi chuan a khung a ni. April ni 8, Thawhtanni tlai dar 2:30-ah Siaha DFA hian G&SA ITI an hmachhawn leh ang.
*April ni 3, Nilainiah Fixtures*
05:30 PM-ah Siaha DFA vs Chanmari Women FC
07:00 PM-ah Vakiria FC vs Maubawk Women FC
(adsbygoogle = window.adsbygoogle || []).push({});