Mizoram Football Association (MFA) buatsaih hmeichhe pual football inelna MFA Women's League chu March ni 26, Thawhlehni khan AR Lammualah khelh tan a ni a, inkhel vawi hnih awmin Chanmari Women FC leh ITI Veng chuan an khingpui ve ve an hneh. 

Women's League-ah team panga awmin Chanmari Women FC, Maubawk Women FC, G&SA ITI Veng, Siaha DFA leh Vakiria FC te vawi khat theuh an inkhel kual ang a, a sangpali ten semifinal an lut ang. March ni 28, Ninganiah khelh chhunzawm leh a ni ang a, chawhnu dar 12:30-ah Siaha DFA leh Vakiria FC an inhmachhawn ang a, dar 02:30-ah Chanmari Women leh G&SA ITI an inhmachhawn leh bawk ang.

02:00 PM Chanmari Women FC 2-0 Maubawk Women FC

(Elizabeth Vanlalmawii 25', Lalramdintluangi 39' (OG)

Inkhel hmasa zawk Chanmari Women FC chuan sihnih fai a Maubawk Women FC hnehin point 3 anhlawh chhuak. Chanmari tan Elizabeth Vanlalmawii chuan goal khat a khung a, Lalramdintluangi chuan an lamah a tauh goal hlauh bawk.

Goal lut te hi first half leh second half-a lut an ni a, goal hmasa ber hi first half tan a tang a, minute 25-ah Chanmari tan Elizabeth Vanlalmawii chuan box chhung atangin mawi takin a khung. Second half tan a tang a minute 4 aral hmaiin Maubawk defender Lalramdintluangi chuan an lamah a tauh goal hlauh a, Maubawk chuan an siphurh hi huntawp thlengin an sut thei tawh lo a, Chanmari chuan 2-0 in hnehna an chang ta a ni.

04:00 PM G&SA ITI Veng 2-1 Siaha DFA

(Ruthy Lalrinmawii 4', Vanlallawmawmi 63') (Vanlalhriati Bawihtlung 42', (P)

Inkhel hnuhnungah G&SA ITI Veng chuan 2-1 a Siaha DFA hnehin point 3 an hlawh chhuak. Goal lut te hi first half leh second half-a lut an ni a, ITI Veng tan Ruthy Lalrinmawii leh Vanlallawmawmi chuan goal khat ve ve an khung a, Siaha DFA tan Vanlalhriati chuan goal khat a khung ve bawk.

Goal lut hmasa ber hi first half tan a tang a, minute 4-ah ITI Veng tan Lalduhthlani free kick tha zet chu box chhunga awm Ruthy Lalrinmawii chuan mawi takin anhmahruaina a khung a, goal dang luh belh lo in ITI Veng chuan 1-0 a hmahruaiin chawlh lawk an hmang.

Second half-ah Siaha chuan nawr nghalin minute 42-ah Vanlalhriati chuan penalty a hlawh chu goal-ah chantirin an siphurh a rul. ITI Veng chuan nawr letin minute 63-ah an hun tha neih hmang tangkaiin box chhungah buainuai karah Vanlallawmawmi chuan an goal hnihna a khung ve leh a, Siaha chuan an siphurh sut ngei tumin nawr let mahse, an siphurh erawh an sut thei tawh lo a, ITI Veng chuan 2-1 in hnehna an chang zui ta a ni.

(adsbygoogle = window.adsbygoogle || []).push({});