Mizoram Football Association (MFA) buatsaih hmeichhe pual football inelna MFA Women's League April ni 23, Thawhlehni zan final inkhelah GSA ITI Veng chuan 3-1 a Maubawk Women FC hnehin an champion.

Maubawk Women's FC 1-3 GSA ITI Veng (Zairemmawii 35') (Lallungmuani 55', Lalremruati 62', Ruthy Lalrinmawii 70+4')

GSA ITI Veng hian semifinal-ah 1-0 a Chanmari Women FC hnehin final an lut a, final-ah an khingpui Maubawk Women FC hnehin MFA Women's League Champion hmasa ber an ni.

Goal lut te hi first half leh second half-a lut an ni a, first half-ah goal khat a lut a, huntawp dawn injury time-ah Maubawk Woman FC tan Zairemmawii chuan corner atangin an hmahruaina goal khung mahse,  second half-ah GSA ITI Veng tan PC Lalduhthlanni corner pet tha zet chu box chhunga awm Lallungmuani chuan mawi tak a tauh lutin an siphurh a rul.

GSA ITI Veng chuan nawr chhunzawmin huntawp dawnah Lalremruati leh Ruthy Lalrinmawii chuan goal khat ve ve an thun belh a, Maubawk Women FC hian huntawp thengin an siphurh hi an sut thei tawh lo a, GSA ITI Veng chuan 3-1 in hnehna an chang zui ta a ni.

Lawmman

Champion: GSA ITI Veng, Rs 50,000/-Trophy+Certificates

Pahnihna: Maubawk Women FC, Rs 25,000/-Trophy+Certificates

Semi Finalists: Vakiria FC, Chanmari Women FC, -Rs 10,000/- Certificates

5th Place: Siaha DFA, Rs 8,000/-Certificates

Mimal Lawmman

Best Forward: Lalnuntluangi, Vakiria FC, Rs 1,000/-Trophy

Best Midfielder: PC Lalduhthlani, GSA ITI, Rs 1,000/-Trophy

Best Defender: K Lalruatfeli, Vakiria FC, Rs 1,000/-Trophy

Best Keeper: Lalmuanawmi, Maubawk Women FC, Rs 1,000/-Trophy

Top Scorer: Grace H Lalrampari, Vakiria FC, Rs 1,000/-Trophy

Fair Play Award: Vakiria FC, Rs 10,000/-Trophy

(adsbygoogle = window.adsbygoogle || []).push({});