Mizoram Football Association Veteran League round chu November 14, Nilaini zan khan AR Lammualah khelh zawh a ni a, match hnuhnung ber North Zone leh East Zone te inkhelah goal lut awmlo in an inhneh tawk a, point khat ve ve an hlawh chhuak.

East Zone leh West Zone hian point 4 ve ve neiin East Zone hi head to head-ah an sang zawk a, final an lut ta zawk a ni. Khelh tawhah South Zone hian point 5 neiin final an lut tawh a, Final hi November ni 19, Thawhtanni tlai dar 4:45-ah khelh tur a ni a, South Zone leh East Zone te an inhmachhawn dawn ta a ni.