Samsung 3:16 Plan solution MFA Super Super chu Round of 16 chu August ni 17, Nilaini khan khelh tan a ni a, inkhel vawi hnih awmin Dinthar FC leh Mizoram Police FC chuan Quarterfinal an lut ta a ni. Remchan zawkna avangin Aug 20, Inrinni inkhel tur hi RG Stadium-ah sawn a ni.
12:00 PM Dinthar FC 1-0 Ramhlun FC
(Samuel Laltlanthanga 39')
MPL Champion hmasa ber Dinthar FC chuan sikhat fai a Ramhlun FC hnehin quarterfinal an lut ta a ni. Goal awm chhun hi first half-a lut niin minute 39-ah Dinthar FC chuan free kick an hlawh chhuah chu Samuel Laltlanthanga chuan petin Ramhlun FC goal keeper Laldailova vei lamah mawi takin a thlawh lut a, an chakna goal-a khung a ni.
02:30 PM Chhinga Veng FC 2-3 Mizoram Police FC
(TC Vanlalhruaia 14' OG MS Dawngliana 57' Penalty) (Lalsangbera 28', Lalbiakhlua 40', F Lalrinpuia 80')
Inkhel hnuhnung zawkah MPL kai thar Chhinga Veng FC leh MPL atanga relegate Mizoram Police te inkhel a hmuh nawm kher mai chak zawk tur hriat thiam har khawpin anin nawr tawn zak zak hnuah Chhinga Veng FC chuan minute 14-ah attacking third-a tanga Joseph-a ball cross chu Vanlalhruaia chuan an lamah apet goal hlauh Chhinga Veng FC chuan 1-0 in hma an hruai a, mizoram Police FC chuan nawr leh nghalin minute 28-ah Mizoram Police FC tan mual dinglam atanga Biaktea ball vawrh luh Chhinga Veng goal keeper Vanlalawmpuia dan per chu Lalsangbera chuan nangchinin an siphur sutna goal-a khung ta a ni. 1-1 in chawllawk an hmang dawn emaw tih hnu huntawp dawn minute 5-a la awm tihah mual veilam sir atangin Lalbiakhlua (Biaktea) chuan an goal hnihna a kung leh a, Mizoram Police FC chuan 2-1 a hma hruaiin chawlh lawk an hmang.
Second half tan atanga minute 57-ah Chhinga Veng FC chuan penalty an hlawh chhuah chu MS Dawngliana chuan petin an siphur sutna goal a khung ve leh a, 2-2 in anin hneh tawk rih a, penalty shoot out-in chak zawk an zawng tawh dawn emaw tih hnu hun tawp dawn minute 80-ah mual dinglam atanga Biaktea ball bawr luh tha zet chu F Lalrinpuia (Valpuia) chuan tauh goal-in an chakna goal-a khung ta a ni.
August ni 18, Ningani Fixtures:-
12:00 PM Zo United FC vs 1st Bn, MAP Academy
02:30 PM Chanmari FC vs Zarkawt FC
