​MFA Super Cup Champion Aizawl FC

27th August 2016, 10:08PM

Samsung 3:16 Plan Solution MFA Super Cup final chu August ni 27, Inrinni khan khelh a ni a, Aizawl FC chuan 1-0 a Chanmari FC hnehin an champion a, Rs 150000/- leh Trophy an dawn bakah Fairplay lawmman Rs 10000/- leh Trophy an dawng bawk a ni.

Chanmari FC 0-1 Aizawl FC

(B Zoramthara 19')

MFA Super Cup final inkhel hi chawhnu dar 2:00 PM-ah khelh tan a ni a, Independence Day Football Tournament Champion lai ni bawk Aizawl FC chuan B Zoramthar goal khat hmangin Chanmari FC an hneh a, Super Cup 2016 Champion no mawi an chawi ta a ni.

Goal awm chhun hi first half-a lut a ni a, inkhelh tan atanga minute 19-ah mual dinglam sir atanga Albert-a ball cross Brandon-a thawhrah sengin Zoramthara chuan a push goal-a an chakna goal ani nghal ta a ni.

Best Midfielder-ah Rohmingthanga Aizawl FC Captain chu thlan a ni a, Rs 3000/- leh Trophy-a dawng.

Best Defender-ah Riky Lallawmawma Aizawl FC chu thlan ni ve bawkin Rs 3000/- leh Trophy-a dawng ve bawk.

Aizawl FC hian final thleng turin Bungkawn FC 3-0 a hnehin Bethlehem Vengthlang penalty shootout-ah 4-1 inan hneh leh a, Chawnpui FC 1-0 a hneh leh in final an thleng a, final-ah Chanmari FC 1-0 a hnein an champion ta a ni.

Chanmari FC hian final thleng turin Zarkawt FC 4-2 a hnehin Zo United 3-2 inan hneh leh a, Mizoram Police FC 5-0 a hneh leh in final an thleng a, final-ah Aizawl FC anhneh talo a ni. Chanmari FC hian lawmman pahnihna Rs 50000/- an dawng thung.

Best Forward-ah Malsawmfela Chanmari FC chu thlan a ni a, Rs 3000/- leh Trophy-a dawng.

Best Goal keeper-ah F Lalmuanawma chu thlan ni ve bawkin Rs 3000/- leh Trophy-a dawng ve bawk.

Copyright © inkhel.com 2024. All rights reserved.