Lalbiakliana Memorial MFA Super Cup 2018 chu July ni 16, Thawhtanni khan quarter final AR Lammualah khelh tan a ni a, inkhel vawi hnih awmin Aizawl FC leh Chanmari FC chuan an khingpui ve ve hnehin semifinal an lut ta a ni. Aizawl FC leh Chanmari FC hian July ni 19, Ningani chawhnu dar 2:00-ah semifinal an khel ang.

(adsbygoogle = window.adsbygoogle || []).push({});

July ni 17, Thawhlehniah quarter final khelh leh tur a ni a, chawhma dar 11:30-ah Aizawl FC, Academy leh Mizoram Police FC te an inhmachhawn ang a, chawhnu dar 2:00-ah Chhinga Veng leh Kanan Veng FC ten quarter final an khel ve leh ang.

Semifinal luh inchuh inkhel hmasa zawk Ileague club Aizawl FC leh MPL club Ramhlun North FC te hun pangngaiah goal awmlo in an inhneh tawk a, penalty shout-out a chak zawk zawn a nih hnuah Aizawl FC chuan 5-4 a hnehna changin semifinal an lut ta a ni.

Inkhel hnuhnungah MPL club Chanmari FC chuan 7-1 a FC Zokhawthar hnehin semifianl am lut ve bawk. Chanmari FC tan Laldampuia chuan hattrick a siam a, Lalmuanzova chuan goal hnih khungin Lalrammuana leh Samuel Laltlanthanga chuan goal khat ve ve an khung bawk. FC Zokhawthar tan Joseph LR Sailo chuan goal khat a khung ve bawk.

July ni 16, Thawhtanni Quarter Final AR Lammual Results

11:30 AM Aizawl FC 0-0 Ramhlun North FC

(Penalty win Aizawl FC 5-4)

02:00 PM Chanmari FC 7-1 FC Zokhawthar

(Laldampuia 4', (p) 15', 65', Lalrammuana 7', Lalmuanzova 42', 55', Samuel Laltlanthanga 90') (Joseph LR Sailo 57', (p)

July ni 17, Thawhlehni Quarter Final AR Lammual Fixtures

11:30 AM Aizawl FC, Academy vs Mizoram Police FC

02:00 PM Chhinga Veng FC vs Kanan Veng FC

(adsbygoogle = window.adsbygoogle || []).push({});