Mizoram Football Association (MFA) chuan July ni 24, 2020 Zirtawpni hian Special General Body Meeting Aijal Club-ah an nei a, Sports Minister Pu Robert Romawia Royte chuan a hmanpui a ni. MFA hian kum tin season tawp hmain Annual General Body Meeting a nei thin a, kumin ah erawh Covid 19 avangin a hun takah Meeting hi a nei thei ta lo a, hei vang hian hmanhmawh takin sorkar inkhaihhruaima zawm chungin Special General Body Meeting hi a ko ta a ni.
Meeting hi Pu Zomuana Hnamte, President, Serchhip DFA chuan Pathian hnena tawngtaina a neih hnuah Hruaitu Pu PC Vanlalhruaia, Senior Vice President chuan inhmelhriat tirna hun a hmang a, District 11 atang lo kal te a din tir vek ani bawk. Pu Lalthanzara, President chuan thusawiin "Hun khirh tak hnuaiah Meeting-a lo kal zawng zawngte chungah lawm thi a sawi a, Football hmasawn nan hmathlir thui tak neiin MFA chuan Programe hrang hrang duang mahse Covid 19 vangin tih hlawhtlin theih ani ta lo hi a pawi a tih thu asawi a, hun tha kan nei leh ang a, football hmasawnna atana mahni insengso hreh lo Sport's Minister kan nei hi kan lawm a, ama ho ngei a hmasawna kan neih zel MFA chuan kan bei sei a ni" a ti.
Pu Lalnghinglova Hmar, Honorary, Secretary chuan report a pe a, 2019-20 season chhungin District FA hrang hrang ruahmanna siam sa Covid 19 avangin tihhlawhtin theih a ni ta lo a, District Championship pahnih MFA Cup, MFA Women's League leh MFA Futsal League kalpui theih a nih bakah FIFA under 17 Women's World Cup a hun sawn a nih thu a sawi bawk.
"FIFA atanga kan hmuh artificial turf phah hna pawh Sairang Dinthara MFA Ground pawh Covid 19 avang bawkin rampawn atanga hnathawktu an lo luh theih loh avangin grass phah zawh theih a ni rih lo bawk. Covid 19 zawhah hian football hi a kal zel a tul miau avangin football kalpui zel dan tur relin kan kal khawm a, Mizoram leh Mizo football tan theihtawp i chhuah zel ang u" a ti.
Joseph Lalrintluanga, Executive Committee member hruaina hnuaiah Kum 2019-20 chhunga MFA hmalakna leh hmachhawp awm hrang hrang te Video Display thlirho a nih hnuah Khuallian Pu Robert Romawia Royte Sports Minister chuan thusawiin Mizoram sorkarin District FA thar saitual, Khawzawl leh Hnahthial a ding thar hi a lawmawm a, hruaitu atana thlan te dusakna a hlan. Thingtlang lamah pawh Football Ground-ah phullem phah zel tura hmalak a ni a, DFA hruaitu te pawhin a hmunah va enfiah a, mamawh anneih chuan inthlahruang lova sawi zel tur a ti bawk.
Covid 19 avanga Tournament hrang hrang kalpui theih anih loh avangima pawi a tih thu leh players eizawnna atana hmang ten an tuar bik te pawi atih zia asawi bawk. Sorkar thapui a chet bakah District tin te kan tanrual angai a, sports hian innghahna tha aneih phawt chuan kan mamawh sum aawm thei ang. Sport school te hi din zel ila, Olympic thlenga kan invawrh theih nan apawimawh a, kan thenawm ram te aiia thleng sang turin tan ila zel ang u a ti. Hmachhawp aneih zingah Laldenga North East Piece Cup hi neih ngei tha atih thu sawiin MFA leh District FA te nena tanrual angai dawn a, kan inpek phawt chuan kan hlawhtlin ngei arin thu a sawi bawk.
ROREL THU PASS LEG CALENDER 2020-20201
Rorel hi Pu Lalthanzara, President chuan a hruai a, Agenda hrang hrang pakua (9) sawiho a ni a, MFA Calendar 2020-2021 chu siam rih loh mai nise sorkar thuchhuak ngaichangin ngaihtuah that nise tih a ni.
1.Covid 19 avanga football inelna kan chawlh lailawk hi a chhunzawm hun leh kalpui dan sawiho tlan ni rawhse tih MFA atanga thu lut chu sawiho tlan anih hnuah MFA -in sorkar thuchhuak ngai changin ruahmanna siam rawh se tih a ni.
2.Mizoram pumah transfer leh registration mumal zawka kalpui anih theihna turin 2019 General Body Meeting lama sawi tawh chu AIFF rawtna angin Central Registration System (CRS) kalpui tan ni tawh rawh se tih MFA atanga thulut chu sawiho tlan anih hnuah kalpui ngei ni tawh rawh se tih a ni a, chumi rual chuan player transfer leh registration hi AIFF kalphung zuiin MFA chuan thuchhuah lo siam leh se tiin an rel.
3. Rampum huapa football player-te particular record MFA hianin database maintain tawh rawhse tih Siaha DFA atanga thulut chu sawiho anih hnuah pawm a ni.
4. District thar pathum kan neih tak avangin inter District Competition hrang hrang thlengtu puihna hi tih tam ni rawh se tih Champhai DFA leh Lawngtlai DFA atanga thulut chu kum 2019 General Body Meeting-a rel tawh angin tihpun ngei nise tih chu tha tih a ni a, azat erawh bituk rih loh nise tih a ni.
5. MFA Inter District Age Group Competition-ah hian player checking nei turin District tinah MFA aiawh tirh ni tawh rawhse tih Lawngtlai DFA atanga thulut chu tha tih a ni.
6. District FA tinah Futsal Ground a tam thei ang ber siam a nih theih nan MFA-in hma la rawh se tih Serchhip DFA atanga thulut chu sawihoa nih hnuah hmalak nirawhse tih a ni.
7. MFA-in Referee Development Course hi Champhaiah buatsaih rawhse tih Champhai DFA atanga thulut chu sawiho anih hnuah neih ngei nise tih a ni a, ahun tur erawh sorkar thuchhuah ngaichangin siam nise tih a ni a, Referee tha nei turin District tin DFA ten hmala bawk se tih a ni.
8. MFA hian heng Lunglei, Lawngtlai, Siaha, Serchhip, Saitual, Kolasib, Khawzawl leh Champhai DFA te hming lam tawi hi mumal takin siam rawh se tih Champhai DFA atanga thulut chu sawiho anih hnuah District ten kan lungawina angin kal mai nise tia rel a ni.
(adsbygoogle = window.adsbygoogle || []).push({});