Mizoram Football Association Executive Committee July 3, 2015-a thukhawm chuan heng a hnuaia thilte hi a rel.

1. Independence Day Football: Independence Day Celebration Football Tournament chu July 20, 2015-a tan turin a rel. He tournament-ah hian MPL club pariatte bakah ADFA hnuaia first division club-te an tel thei ang. Champion-in Rs 1,00,000 dawngin pahnihnain Rs 50,000 an dawng ang a, semi finalist-te'n Rs 10,000 ve ve an dawng ang. Inkhelh apiangin a chak leh chak lo team pawhin pawisa an hlawh zel bawk ang.

Independence day Football Tournament hi a hrampain hmeichhe lam tan buatsaih a ni dawn bawk a, MFA Women's Committee-in a kalphung tur an duang ang.

2. AIFF D License Course: MFA chuan July-August, 2015 chhung hian Aizawlah AIFF 'D' License Coaching Course a buatsaih a tum. Hetah hian seat 30 a awm ang a, District FA pariat atangin mi pakhat theuh an tir thei ang a, MPL club-in mi pakhat theuh an tir thei bawk ang.

Seat 14 la awm chu a duh apiangin dil theih a ni a, diltu chu Pawl 10 (HSLC) passed chin a ni tur a ni. Dilna hi July 9 (Ningani) hma ngeiin MFA Office, City park-ah thehluh theih a ni. Course fee a awm ang a, diltu hian course fee a pek a ngai dawn a ni.

3. MFA Calendar: MFA season hman mek, 2015-2016 season chhunga calendar tur heti hian an duang:

I Day Football - July-August

MPL - September-December

Inter Dist Sub Junior Football - MSSC ngaihchan a ni

Inter Dist Junior Football - October

MFA Cup - February-March