14 Mar 2020 11:32

inkhel

​MFA Inter Village Futsal Tournament Champion Dinthar LC

Lalmalsawma Memorial MFA Inter Village Futsal Tournament 2020 Final chu March ni 14, Inrinni zan khan Malsawma's Yard Durtlang Leitanah Dinthar LC leh Zonuam LC ten an khel a, Dinthar LC chuan 6-3 a hnehna changin nomawi an chawi ta a ni.

Champion Dinthar LC hian Rs 70,000/- Trophy an dawng a, Samuel Laltlanthanga chu Best Player-ah thlan a ni. Pahnihna Zonuam LC te hian Rs 40,000/- an dawng thung a, Goal 10 khungtu Lallawmsanga chu Top Scorer-ah thlan a ni. Semifinalist Chhinga Veng LC leh Republic Veng LC, hian Rs 10,000/- an dawng ve ve bawk.

08:30 PM Dinthar LC 6-3 Zonuam LC

(Ayush Dev Chhetri 6', 37', Samuel Laltlanthanga 9', 13', 43', Lalawmpuia Sailo 42') (Lalthazuala 12', 23', Varthanzama 26')

First half-ah Dinthar LC tan Samuel Laltlanthanga chuan goal hnih khungin Ayush Dev Chhetri chuan goal khat a khung a, Zonuam LC tan Lalthazuala chuan goal hnih khungin an siphurh sut then mahse Dinthar chuan 3-2 a hmahruaiin chawlhlawk an hmang.

Second half-ah Zonuam tan Varthanzama chuan an siphurh a rawn sut. Dinthar player Reuben Zosangapuia chu hnawh chhuah zui a ni. Zonuam chu hnehna chang zawk tura rinkai ni mahse, huntawp dawnah Ayush Dev Chhetri, Samuel Laltlanthanga leh Lalawmpuia Sailo te chuan goal khat theuh an khung leh avangin Dinthar chuan hnehna changin an champion ta a ni. 

Lawmman

Champion: Dinthar LC, Rs 70,000/- Trophy

Pahnihna: Zonuam LC, Rs 40,000/-

Semifinalist: Chhinga Veng LC & Republic Veng LC, Rs 10,000/-

Top Scorer: Lallawmsanga, Zonuam LC, 10 goals, Trophy

Best Player: Samuel Laltlanthanga, Dinthar LC, Trophy

(adsbygoogle = window.adsbygoogle || []).push({});