December ni 13, Ningani khan Rajiv Gandhi Stadium, Mualpuiah Vakiria Collection MFA Futsal Super Cup 2018 final Chhinga Veng Futsal Club leh Electric Veng Futsal Club te inkhelah Chhinga Veng chuan 6-5 a Electric Veng hnehin an champion.

He inelnaah hian team 40 an tel a, Semifinal-ah Chhinga Veng FC hian 4-2 a Futsal Club RVL hnehin final an lut a, Electric Veng FC hian 9-4 a Team Gideon, Kanan hnehin final final an lut ve bawk. Final-ah erawh Chhinga Veng an chungnung zawk a, MFA Super Cup-ah a vawi khat nan no mawi an chawi a ni.

Chhinga Veng tan Lalsawmzela, MS Dawngliana leh Lalruatfela te chuan goal hnih theuh an khung. Electric Veng tan Jacob Lalrawngbawla chuan goal thum a khung a, Ramhlunchhunga chuan goal khat a khung ve bawk

02:00 PM Chhinga Veng 6-5 Electric Veng

(Lalsawmzela 3', 11', MS Dawngliana 9', 28', Lalruatfela 9', 32') (Jacob Lalrawngbawla 24', 25', 49', Ramhlunchhunga 27', 32')

First half-ah goal ruk zet a lut a, Chhinga Veng chuan nawr nghalin minute 3-ah MS Dawngliana ball pek chu Sawmzela chuan a pet lutin an hmahruaina a khung a, minute 9-ah MS Dawngliana leh Lalruatfela chuan goal khat ve ve an khung belh a, 3-0 in Chhinga Veng chuan hmaanhruai zui nghal.

Chhinga Veng chuan nawr chhunzawmin minute 11-ah Sawmzela bawk chuan an goal li na a khung leh bawk. Electric Veng pawhin goal thunna hun tha neiin Jacob Lalrawngbawla chuan first half huntawp dawn minute 2 chhungin goal hnih a khung a, hun chanve a zawh chuan Chhinga Veng chuan 4-2 in hmaanhruai.

Second half-ah goal nga zet a luh belh leh a, inkhel tan a ni a, Electric Veng chuan nawr nghalin minute 27-ah Ramhlunchhunga chuan an siphurh a sut then a, Chhinga Veng tan MS Dawngliana leh Lalruatfela pawhin goal an thun belh zui a, Electric Veng tan Ramhlunchhunga pawhin goal a khung belh bawk mahse, Chhinga Veng chuan 6-4 in hmaanhruai.

Huntawp dawnah Electric Veng tan Jacob Lalrawngbawla chuan goal khung belh mahse, hnehna chang turin hunin a daih tawh lo a, Chhinga Veng chuan 6-5 in hnehna an chang zui ta a ni.

Lawmman

Champion : Chhinga Veng, Rs 20,000/- + Trophy

Pahnihna : Electric Veng, Rs 10,000/-

Semi Finalist : Team Gideon, Ramhlun Venglai, Rs, 5,000/-

Best Player : MS Dawngliana, Rs 1,000/- Trophy,

(adsbygoogle = window.adsbygoogle || []).push({});