​MFA Futsal League Champion Chanmari

09th March 2019, 04:03AM

RFL Plastics Mizoram Football Association (MFA) Futsal League final chu March 8, Zirtawpni khan Electric Veng YMA Indoor Stadium-ah Chanmari Zothan Futsal leh Chhinga Veng FC ten an khel a, Chanmari Zothan Futsal chuan 6-4 a hnehin a zawnin an champion ta a ni. Team Pahnih te hi season hmasa khan final-ah an inhmachhawn tawh a, Chanmari Zothan Futsal hian 6-5 in an hneh tawh bawk.

Chanmari Zothan Futsal tan Rochhingpuia leh Lalnunmawia chuan goal hnih ve ve an khung a, Samuel Laltlanthanga leh Johny Lalremruata chuan goal khat ve ve an khung bawk. Chhinga Veng FC tan Lalsawmzela chuan hattrick a siam a, Vanlalhriata chuan goal khat a khung ve bawk.

08:00 PM Chanmari Zothan Futsal 6-4 Chhinga Veng FC

(Rochhingpuia 11', 16', Lalnunmawia 14', 45', Samuel Laltlanthanga 25', Johny Lalremruata 32') (Lalsawmzela 4', 10', 44', Vanlalhriata 15')

First half-ah goal sarih zet a lut a, inkhel tan a tang a, minute 10 aral hmain Hriata leh Rfa thawhrah sengin Chhinga Veng tan Sawmzela chuan goal hnih a khung hman. Chanmari pawh an awm mai mai bik lo. Minute 11-ah Apuia ball pek tha zet chu Chhinga chuan goal-ah chantirin an goal khatna a khung zui ve bawk. Chhinga Veng chuan 2-1 in hmahruai mahse minute 14-ah Chanmari tan Lalnunmawia (Mawitea) chuan an siphurh sutna goal a khung zui a, 2-2 a ni.

Chhinga Veng chuan nawr letin minute 15-ah Sawmzela ball pek fing zet chu Hriata chuan goal-ah chantirin an goal thumna a khung zui zat a, Chhinga Veng chuan 3-2 in hmahruai mahse an hruai reilo kher mai. Minute 1 aral leh hmain Chanmari tan Chhinga bawk chuan an siphurh sutna a khung nghal zat bawk. 

Goal luh belh tawh lo in 3-3 a inhneh tawkin chawlh lawk  hmang dawn emaw tih hnu first half tawp dawn injury time-ah Chanmari tan Samuel-a chuan an hmahruaina goal ni turin goal a khung zui leh a, chawlh lawk anih meuh chuan Chanmari chuan 4-3 in hmaanhruai ta a ni.

Second half-ah goal thum a luh belh leh a, Chanmari chuan nawr nghalin minute 32-ah Mawitea freekick hmang tangkaiin Johny-a chuan an goal nga na a khung leh bawk. Chhinga Veng chuan hnehna chan ngei tumin an nawr let a, minute 44-ah Hriata thawhrah sengin Sawmzela bawk chuan an goal li na khungin hattrick siam mahse, minute 1 aral leh hmain Chanmari tan Mawitea chuan an goal ruk na a khung zui leh a, Chhinga Veng chuan an siphurh sut turin hun an nei tawh lo. Chanmari chua. 6-4 in hnehna an chang zui ta a ni.

Lawmman

Champion: Chanmari Zothan Futsal, Rs 80,000/-Trophy+Medal

Pahnihna: Chhinga Veng FC, Rs 50,000/-

Semifinalist: FC Ramhlun Venglai & Zonuam FC, Rs 20,000/-

Quarterfinalist : Rs 10,000/- Saron Veng FC, IDBI Capital Tuikual North, FC Bungkawn, Laipui FC, Laipuitlang

Team pariat: Rs 2,000/ : Lawmna FC Dinthar, Armed Veng South FC, Bawngkawn FC, Ramhlun South FC, Whetstone FC Ramthar, Electric Veng FC, Durtlang FC, FC Leitan,

Best Palyer: Lalsawmzela, Chhinga Veng FC, Rs 5,000/- trophy

Fair Play: Saron Veng FC Rs 5,000/-

(adsbygoogle = window.adsbygoogle || []).push({});

Copyright © inkhel.com 2024. All rights reserved.