Mizoram Football Association Futsal Committee chuan June 18, Thawhlehni khan  an thu khawm a,  2019-2020 season lo awm tur atan ruahmanna an siam.

Registration

MFA hnuaia futsal club awm sate leh club thar siam duh tan 2019-2020 season atan registration hun hawn mek a ni.

June 21, 2019 thlengin MFA Office, City Park-ah registration form hi a lak chhuah theih a, June 24-279 2019 chhungin thehluh tur a ni.

MFA hnuaia club awm sate (League club leh Division One club) pawh a thara registration tih leh vek a ngai a, Division One club ni thar duhte tan pawh registration hi hawn a ni. Veteran club-te tan a hranpaa registration tih a ngai lo a, tournament khelh dawnah tihfel mai thin tur a ni. Hre chiang duh tan MFA Futsal Committee Secretary Lalrinfela (9774393985) biak pawh theih a ni ang.

Calendar:

2019-2020 season chhungin heng inelnate hi buatsaih turin MFA Futsal Committee chuan a rel a, heng bakah hian hun leh hmun awm dan azirin inelna dangte pawh buatsaih a tum:

July - August:

League Club, Division One, Veteran Season Opening Tournament

September: Inter College Futsal

October - November: Division One Mid Season Futsal , Women's Tournament (Open)

February - March: MFA Futsal League; Division One & Veteran Season Ending Tournament

 Hun leh hmun awm dan azirin hmeichhe tournament leh kum bithliah inelna pawh buatsaih tum a ni

Coach Education:

Asian Football Confederation-in India rama futsal tihlarna leh hmasawnna tura ruahmanna a siam kal zelah AFC Level One Futsal Cousrse chu AIFF ruahman angin July thla chhung hian Mizoramah nghah a ni dawn. Mizorama coach-te mai bakah state dang atanga futsal coach-te pawhin training hi an nei dawn a, instructor hi AFC lamin an rawn tir ang.