FC Thyristor, Ramhlun Venglai 2️(5)-(4) 2️ Thlangtiang FC, Lungmual (C. Lalrinhlua 5', Lalhmangaiha 48') (R Lalmuankima 30', 38')
MFA Futsal Cup 2022 chu vawiin September ni 5, Nilaini khan KK Futsal Ground, Durtlang Leitanah Semifinal khelh a ni a, FC Thyristor-Ramhlun Venglai leh Chhinga Veng FC chuan ankhingpui ve ve hnehin final an lut.
Semifinal inkhel hmasa zawkah FC Thyristor leh Thlangtiang FC an inhmachhawn a, kawng engkimah team hnih an intluk tawk a, a tawpah penalty shotout hmangin fiinal lut tir zawk zawn a ngai hial.
Inkhel tan a ni a, Thyristor chuan minute 5-ah C Lalrinhlua hmangin goal an nei nghal. First Half chhungin goal thun theihna remchang nei ve ve mahse, Goal Keeper te an che tha dun a, goal dang a luh belh lo.
Second Half lamah Thlangtiang FC lamin an goal nawr dan an rawn thlak danglam thung. Rah tha a chhuah mghal a, R. Lalmuakima chuan Minute 30- ah an si phur a rawn sut ta a ni. Inkhel a nung chho telh telh a, Thlangtiang FC chuan hun tha an neih hmang tangkaiin R Lalmuankima chuan Minute 38-ah an goal hnihna an rawn thun leh nghal a, Thlangtiang defender leh goalkeeper te ngaihtuahin an goal an hum tlang mai a rinawm hman.
Thyristor lamin thapui chhuahin a nawr let nghal char char a, si phur belh huamin an vai thawhchhuah. Hun tawp nan minute hnih chiah a awm tawh tihah Thyristor tan Lalhmangaiha chuan an si phur an rul ve leh ta a ni.
Extra time tin zawn ve ve in, team hnih an fimkhur. Hun pangngai a zo va, Extra time khelh zui nghal niin, goal erawh an thun zui lo ve ve. Penalty shotout hmangin chakzawk zawn a nih hnuah FC Thyristor chuan 5-4 in hnehna an chang ta a ni.
Chhinga Veng FC 5️-4️ Zonuam FC
(H. Lalrinawma 3', 8' Vanlalhruaitluanga 6', Lallawmzuala 24', C. Vanlalhriata 39') (Lalthazuala 13',13', 35', Laldinthara Chenkual 38')
Semi Final hnuhnung zawkah Chhinga Veng FC leh Zonuam FC te inhmachhawn a hmuhnawm a, inkhelh tan whistle a rik atanga a tawp thlengin game hmuhnawm tak hmuh tur a awm.
Chhinga Veng FC lamin bul tan tha zawkin H Lalrinmawia chuan Minute 3 leh minite 8-ah goal a thun a, Vanlalhruaitluanga'n minute 6-ah a thun bawk.
Zonuam FC lam an talbuai deuh mahse an insiam tha zui nghal a, Lalthazuala chuan minute 13-ah goal hnih a rawn thun zui ve nghal a, inkhel a nung tak zet.
First half zawh dawn hnaiah Zonuam FC lam an muthlu zeuh a, Chhinga veng FC tan Lallawmzual chuan minute 24-ah goal a thun belh a, 4-2 in hma an hruai a, chawlhlawk a ni zui nghal. Second half-ah Zonuam lamin inkhel an thunun a, goal erawh an thun thei mai hrih lo.
Minute 35-ah Lalthazuala hmangin goal an thun a, an phur chho a, Chhinga veng lam an talbuai deuh. Minute 38-ah Zonuam FC lamin Laldinthara Chenkual hmangin an siphur an rul a, goal thun belh ngei tumin an nawr na viau.
Semi final lama an lo chet tawh dan ang deuhin Chhinga Veng FC lam pawh an insiam rem nghal a, C Vanlalhruaia chuan minute 39-ah goal pawimawh a rawn thun a, tlarhnung lamah player an indah hnem nghal a, Zonuam lamin goal thun zuina remchang an hmu tha thei tawh lo.
Hun a tawpa Chhinga Veng FC 5-4 in an chak ta a ni.
Final Thursday 06, October 2022 Electric Veng YMA Indoor Stadium
07:30PM FC Thyristor, Ramhlun Venglai vs Chhinga Veng FC