11 Jul 2019 05:28

inkhel

Messi leh Ibrahimovic te’n ESPY award an dawng

Lionel Messi leh Zlatan Ibrahimovic te bakah Alex Morgan leh Sam Kerr te chuan ESPY award an dawng hlawm a, US hmeichhe football team chu team tha berah an thlang bawk.

France rama Women’s World Cup khelha an champion hnu lawkah US hmeichhe football team (USWNT) te hnenah Best Team chawimawina an hlan a. Los Angeles khawpuia Microsoft Theater-a chawimawina dawng tur hian Carli Lloyd, Megan Rapinoe leh team member dangte chu an tel hlawm a ni.

Best Team award bakah hian Alex Morgan chuan mimal chawimawina a dawng tel a, hmeichhe zinga infiammi chungnung bera thlan niin, ESPY Best Female Athlete award a dawng bawk a ni.

Kum 30-a upa Alex Morgan hi US in World Cup title an humhim theihna kawnga thawh hlawk ber pawl a ni a, tun tum tournament-ah khan a teammate Rapinoe nen goal khung hnem ber an ni dun a ni.

FC Barcelona captain Lionel Messi chuan chawimawina a dawng ve bawk a, Best Internationa Men’s Soccer Player atan an thlang a. Season hman zawh takah khan Messi chuan Barca chu La Liga title a lakpui a league game 34 khelhah goal 36 ngawt a thun thei a ni.

Kum 32-a upa Messi hian UEFA Champions League match 10 khelhah goal 12 chu a thun tling bawk a, Europe khawmualpuia inelna sang berah hian Barca chuan semi final-ah Liverpool an hneh ta lo a ni.

Australian hmeichhe footballer Sam Kerr chu Best International Women’s Soccer Player atan an thlang a. Matildas star hi NWSL leh W-League season hman zawh takah khan top scorer a ni thei ve ve a, World Cup-ah erawh an ram chu round of 16 bak a thlenpui thei ta lo thung.

Zlatan Ibrahimovic chu LA Galaxy-ah a che tha chho hle a, hei vang hian Best MLS Player atan an thlang a. Swedish striker Zlatan hian Guillermo Barros Schelotto team tan MLS game 15 khelhah goal 13 a thun thei a ni.

ESPY Award dawngtute

Best NFL Player: Mahomes, Chiefs

Best MLB Player: Yelich, Brewers

Best NHL Player: Alex Ovechkin, Washington Capitals

Best College Athlete: Zion Williamson, Duke

Best Coach: Jim Calhoun

Best WNBA Player: Stewart, Storm

Best Male Golfer: Koepka

Best Female Golfer: Brooke Henderson

Best Female Tennis Player: Serena Williams

Best Male Tennis Player: Roger Federer

Best Driver: Kyle Busch

Best International Women's Soccer Player: Sam Kerr

Best International Men's Soccer Player: Lionel Messi

Best MLS Player: Zlatan Ibrahimovic

Best MMA Fighter: Daniel Cormier

Best Upset: Andy Ruiz Jr. defeats Anthony Joshua

Best Comeback: St. Louis Blues