20 Nov 2020 10:48

bakteaJr.

Mizo tlangval

​Messi bak no.1 an awm lo: Rakitic

Barcelona midfielder hlui Ivan Rakitic chuan Barcelona captain Lionel Messi chu football khawvelah a ber a nih thu a sawia, a bula a khel thei kha a ngaihhlut zia a sawi bawk.

Rakitic hian kum 2014 khan Sevilla atangin Barca hi a pana, Barca tan hian game 300 chuang khelin, goal 35 a khung bakah, assist 42 a nei hmana, kumin nipui khan Sevilla lamah a kir leh.

Messi leh Rakitic te hi hun eng emaw chen an khel dun hmana, La Liga title pali leh UEFA Champions League title te kum ruk an khelh dun chhungin an chawi dun hman.

Mi tam tak chuan Messi hi football chanchina player ropui berah an ngai ve bawka, football-a mimal inchawina hlu bera ngaih Ballon d’Or vawi ruk dawng thei awm chhun a ni.

Messi chungchang sawiin Rakitic chuan, “Amah hi 100% football a ni tawpa, tu pawh ni ila a khel hi hmuhnawm tih loh theih loh a ni a, level dangah a awm a ni ber.

“Player ropui dang zawng zawngte ka zah loh vang nilo se, no.1 erawh pakhat chauh a awma, chu chu Leo a ni. A bula game 311 ka khel thei kha ka suangtuahna a taka rawn thleng a ni.

“A bula khelh kha nuam ka ti em em a, a hnenah lawmthu ka sawi hial duha, ani erawh hi chuan a bula khelh hlutzia leh nawmzia hi a hre ngai dawn lo a ni,” a ti.