26 Mar 2015 07:23

Inkhel

Mizo Sports Website hmasa ber

​Messi-a'n PSG a zawm dawn lo - Mathieu

Barcelona defender Jeremy Mathieu chuan a thianpa Messi chu PSG in hel vel mahse a chhuah dan loh thu a sawi chiang.

Spain-ah Messi a hlim lo tih thuthang te a darh vel, nikum ngat phei kha chu chhiah awlruk thubuai vangin Messi leh a pate hming a thalo lamin a darh nasa hle. Khangte a nih avang khan Argentine forward hian Barcelona a chhuahsan dawn nia sawi a ni chhunzawm.

Barcelona atanga Messi leichhuak tur chuan sum tam tak thehchhuah a ngai ngei dawn. Chuvang chuan Messi lei thei tur club tlemte zing ami chu PSG an ni. Tichuan PSG nen an sawi zawm chhunzawm ta a. PSG pawh hian Messi hi an lo dawr ngei tih a lang chiang zel a.

Mathieu chuan,"Messi hian Barcelona chhuahsana club dang zawm a tum tak zet a ni," tiin RMC a hrilh. Mathieu chuan La Liga title lak an tumna kawng sawi zawmin,"Game tlemte chauh a awm tawh. Hma kan sawn hret a, inkhelh awlsam tak a awm tawh lo. Champions league khelh tur kan nei bawk nen, kan khelh that leh that lohvah a innghat tak zet ta a ni," tiin a sawi.

Mathieu hian El Clasico hnuhnung berah Barcelona tan goal a khung a, Suarez nen an goal khung vangin Barcelona-in Camp Nou-ah 2-1 in Real Madrid an hneh theih phah a ni.