Camp Nou-ah Barcelona chuan 4-0 in Granda an sawp a, Barcelona tan Lionel Messi chuan hattrick a siam a, Neymar chuan goal khat a khung bawk a ni.
Kumin chhungin Barcelona chuan goal 8 an khung tling leh ta der mai. Heng zinga goal 5-te chu Messi-a khung a ni a, goal hnih a siam a ni bawk. Tun season-ah Messi hi inhliam vangin a chawl ren rawn a, heti chung hian league goal 9 a khung tling ta a ni. Tin, La Liga goal 301 a khung tling tawh a, zanina hattrick a siam leh tak avangin hattrick vawi 36 La Liga-ah a siam tling ta a ni.
Barcelona 4-0 Granada
Messi 8', 14', 58', Neymar 83'
PLAYER RATINGS (data source : opta)
Barcelona: Bravo 6, Pique 6, Rakitic 6, Arda Turan 7, Suarez 8, Messi 9, Neymar 8, Jordi Alba 6, S. Roberto 7, Aleix Vidal 6, Vermaelen 6.
SUBS: Alves 6, Adriano 6.
Granada: Andres Fernandez 5, Lomban 6, Biraghi 6, Doria 5, Edgar 6, Isaac 6, Perez 6, Krhin 6, Rochina 7, Agbo 6, Penaranda 6.
SUBS: Mainz 6, Robert Ibanez 6, Javier Marquez 6
Goal hmasa ber hi tan atanga minute 8-na leka lut a ni a, Turan-a cross tha zet chu Messi hian mawi takin a lo tawk kawi zauh a, a goal ta a ni. Hei erawh offside niin a lang a, mahse referee chuan goal-ah a pawm ta tho a ni. Goal hnihna hi a mawi kher mai. Neymar, Suarez leh Messi-te inkawp an han che tak tak mai chu Granada defender-te an hawi heu mai.
Mual veilam sir atangin Neymar chuan tha takin a cross a, box dinglam sira awm Suarez chuan dinglamah a cross chhunzawm lehnghal a, hei hi Messi chuan awlsam takin a pet goal ta a ni. Training ground emaw tih mai tur khawpin Barcelona hmatawngte chet dan hi a mawi a ni.
Second half 58 mins-ah Messi chuan a goal thumna a khung a. Neymar chuan box chhungah ball chak takin a um lut a, a shot chu goalkeeper Andres Fernandez-a kapkarah kalin, goal post a per a. Hemi per hi Messi chuan defender pathum karah chiang takin a chhuih goal ta a ni. Goal hnuhnung ber hi Brazil forward Neymar-a khung a ni a, box dinglam sir atanga Suarez-a cross tha zet chu far post-a lo awm Neymar chuan goalkeeper chhuih khumin a pet goal ta a ni.
La Liga goalkeeper-te hian Messi-a pet an lo chhuah hnem hle mai. Granada goalkeeper Andres Fernandez hian Messi-a pet vawi 15 a chhuah tawh a. La Liga top club zingah Real Madrid goalkeeper ni thin Iker Casillas chu Messi-a pet chhuah hnem ber a ni a, goal 18 a chhuah a ni. Diego Alves chuan dawtin, goal 16 a chhuah tawh a, Gorka Iraizoz leh Andres Fernandez te hian Messi-a pet vawi 15 ve ve an chhuah ta a ni.
pictures credit : Reuters