Formula 1 team Mercedes chuan vun rawng inthliarna leh inhmuhsitna do nan kumin chhungin car dum an hmang dawn tih an puang.

Tunlai hian vun rawng lama inhmuhsitna dona lam a nasa hle a, Black Lives Matter chuan khawvel pum a fan chhuak a ni ber a, F1 lamah pawh hma lak ve mek a ni.

Mercedes rawng dik tak hi silver a ni a, silver hi 1930s chho atang khan lo hmang tawh mahse, kumin 2020 chhung erawh chuan a dum an hmang rih dawn.

He car dum hi Mercedes chuan tun Sunday lo awm tur hian a vawi khat nan an hmang dawna, Austrian Grand Prix chu Sunday tlai dar 6:40 hian tlan a ni ang.