Manchester City left back Benjamin Mendy chu a khup zai a ni a, a chawlh rih a ngai dawn.

Mendy-a chawlh hun chhung tur chiah hi a la hriat lova, mahse kumin 2018 chhung chuan a hmel kan hmuh leh a rinawm tawh rih loh.

Mendy hian nikum khan Monaco atangin City hi a zawma, City hian French left back manah hian pound maktaduai 49 lai an seng. A man hi to hle mahse Mendy hi a la inkhel tlem em em a, City a zawm atanga thla hnih hnuah a khupah hliam nei nghalin hun rei tak a chawl. Hun rei tak a chawlh hnuah tun season-ah Pep Guardiola-a  player hman rim zinga mi a ni chhova, a inhliam leh ta a ni.

Mendy hi France tana khel tura koh a ni a, mahse a khup hliam chu zai a ngai tih hmuhchhuah a nih avangin a inhnukdawk. Kum 24 mi hi zai a ni a, mahse tuna a khup hliam hi nikum lama mi anga thil hlauhthawnawm leh chawlh rei ngaihna tur a nilo thung.

International break hma lawk khan City chuan Manchester derby an khela, Manchester United lakah hian Mendy hi khel tluan mahse, France tana inlan tura a kal hnuah thawhtanni khan zai a ngai tih hi hmuhchhuah a ni zai a ni nghal bawk.

Khup zai thiam lar tak Dr. Ramon Cugat chuan Mendy hi zaiin, Ramon tho hian nikum khan Mendy khup hliam a lo zai tawh a ni.