Memphis Grizzlies an chak ve ta

18th March 2018, 06:03PM

Game 19 zet a zawna an chak tawh loh hnuah Memphis Grizzlies chuan 101-94 in Denver Nuggets an hneh a, an chak loh kal tluang an titawp ta.
Dillon Brooks chuan point 24 a thun a, Grizzlies chuan January 29 a Phoenix Suns an hneh hnua an chak leh hmasak ber hmel an hmu a ni.
LeBron James chuan point 33 zet a score a, rebound 13 lain assist 12 a nei bawk a, Cavaliers chuan Chicago Bulls chu 114-109 in an hneh a. James hian a inkhelh chhungin triple-double 70 a nei tling ta.
Damian Lillard chuan point 24 a score a, Portland Trail Blazers chuan 100-87 in Detroit Pistons an hneh a. Blazers hi a zawnin vawi 12 an chak ta a.
Tun hnaia che fuh thei lo tak mai Golden State Warriors pawhin Suns chu 124-109 in an hneh ve bawk a. He inkhelah hian All-Star trio Kevin Durant, Stephen Curry leh Klay Thompson te chu an tel thei lo.
LaMarcus Aldridge chuan point 39 a thun bakah rebound 10 neiin San Antonio Spurs chu a zawnin vawi 3 an chak ta a, Minnesota Timberwolves chu 117-101 in an hneh a ni.
James Harden chuan point 32 a score a, rebound 11 leh assist 8 a nei bawk a, Houston Rockets chuan 107-101 in New Orleans Pelicans an hneh.
Milwaukee Bucks chuan 122-117 in Atlanta Hawks an hneh a, Giannis Antetokounmpo chuan point 33 a thun a, rebound 12 lain assist 7 a nei bawk.

Result hrang hrang:
Milwaukee Bucks 122-117 Atlanta Hawks
Houston Rockets 107-101 New Orleans Pelicans
Washington Wizards 109-102 Indiana Pacers
New York Knicks 124-101 Charlotte Hornets
Brooklyn Nets 114-106 Dallas Mavericks
Cleveland Cavaliers 114-109 Chicago Bulls
Memphis Grizzlies 101-94 Denver Nuggets
San Antonio Spurs 117-101 Minnesota Timberwolves
Utah Jazz 103-97 Sacramento Kings
Portland Trail Blazers 100-87 Detroit Pistons
Golden State Warriors 124-109 Phoenix Suns

Copyright © inkhel.com 2024. All rights reserved.