19 Jul 2019 12:36

bakteaJr.

Mizo tlangval

​Melbourne-in Australian GP thleng zel dawn

Australian Grand Prix chu Melbourne khua Alber Park-ah tlan a ni chhunzawm zel dawn a, kum 2025 thleng tal chu Melbourne hian Australian Grand Prix hi a thleng dawn.

Albert Park circuit hi Formula One-ah a pawimawh chho hle a, he hmunah hian kum 1996 atang khan Australian GP nghah tan a ni.

Kar khat liamta mai khan British Grand Prix chu Silverstone-ah kum 2024 thleng neih zel a nih tur thu puan a ni a, tunah hian Melbourne lam pawh hi nemngheh an ni zui leh.

Australian GP hi F1 season bul tan nana hman thin a ni a, nakkum lamah pawh race hmasa ber thleng leh dawnin March 15, 2020-ah a ni anga, hei hi Formula 1 kum 70 tlinna a ni dawn a ni.

Kum hnih liamta khan Australian GP hi Adelaide-a nghah tumna thawm a ri ring hle a, mahse Melbourne chuan Liberty Media lam nen contract thar an ziak ta zawk.

Formula 1 cCEO Chase Carey chuan hemi chungchang hi sawiin, “Melbourne nena kan inthlunna kan pawtsei thei hi kan lawm em em a, Melbourne hian tunah chuan kum 2025 thleng tal Formula 1 Australian Grand Prix a thleng dawn a ni,” a ti.

Kumin Australian Grand Prix-ah khan Mercedes driver Valtteri Bottas a chak a ni.