Manchester United midfielder Scott McTominay chuan a ngal reka hliam a nei a, a hliam te endik a nih hnuin a inkhelh leh theih hun tur hi sawi theih a ni rih lo.

Kar liamtaa Manchester United-in Europa League inkhela Partizan Belgrade an hmachhawn tumin Scot midfielder McTominay hi a inhliama, a ram Scotland chuan ko mahse kum 22 mi a inhnukdawk nghe nghe.

McTominay hi tun season-ah a khel rim hle a, United manager Ole Gunnar Solskjaer chuan midfield-ah a chhawr bera, October thla pawh khan United Player of the Month atan thlan a lo ni tawha, a khel chhe lutuk ngai lo tih a hriatthiam theih.

McTominay hi a hliam na lutuk hran lo niin sawi a ni a, mahse a lo kir hun tur tak hi sawi theih a la ni rih lo. International break a karah a tlak hlauh avangin United chuan McTominay tello hian game an khelh tam lutuk a ngai dawn lo niin a lang bawk.

Sawi lan tawh angin kum 22 mi hi tun season-ah United midfielder pawimawh ber a tih theiha, tun season ringawtah United tan game 16 khel tawhin, Nemanja Matic a nek chhuak der tawh.

United midfielder Paul Pogba a inhliam meka, McTominay a inhliam ve leh bawk nen United hi rei lo te chhung chu an tal buai lovang tih a sawi theih lova, Solskjaer chuan midfield-ah Fred leh Matic te a hman rih mai a ngai rih dawn a ni.