Formula 1 mi ropui Michael Schumacher-a fapa Mick Schumacher chu, 2023 F1 season atan McLaren in an reserve driver ni turin an lalut.

Season hmasa khan Schumacher hi Haas-ah a awm a, mahse tun season-ah Haas hian thlauhthlain, a aiah Nico Hulkenberg an la thung.

Nikum December thla khan kum 23 mi hi Mercedes chuan an reserve driver atan an lalut a, Mercedes hian Schumacher hi McLaren-in kumin atan an hman hawh an phal sak.

F1 world champion vawi sarih lai lo ni tawh Michael Schumacher-a fapa hian McLaren-ah hian Lando Norris leh Oscar Piastri te thachhang a dawl dawn a, Norris emaw Piastri emaw hi an in race theih loh changin Mick Schumacher hian McLaren a khalh dawn a ni.

2023 F1 season hi March thla ni 5 atanga tan tur a ni a, Bahrain-ah season khuh hawnna tlan a ni ang.