South Africa striker hlui Benni McCarthy chu Johannesburg-a lumeh-na dawrah silai keng misualin an rawk a, a tlereuh in bel an laksak.

Kum 37 mi McCarthy hi misual zinga pakhat chuan a hmai zawnah silaiin a tin a, a sana, bengbeh leh an inneih zungbunte an laksak.

McCarthy agent Adams chuan misualte hian McCarthy an hliam lo va, midang pawh an tum (target) chuang lo niin Eyewitness News a hrilh.

McCarthy hian kum 2004 khan Champions League-ah Portuguese club Porto a champion pui a, South Africa tana goal khung hnem ber record chelhtu a ni mek bawk.

Kum 2006 leh 2010 inkar khan English club Blackburn Rovers tan a khel a, kum 2010-2011 season khan West Ham United-ah a khel leh a kum 2013 June ni 6 khan football khelh a chawlhsan.

South Africa goalkeeper leh captain Senzo Meyiwa pawh nikum khan Johannesburg-ah tho hian misualin a inah an kaphlum tawh a, Police-te chuan pawikhawihna hi an chhuizui mek.