Mizoram Basketball Opening Season Tournament chu June ni 11, 2015 Zirtawpni khan Quarter final chu Hawla Indoor Stadium Republic Vengthlang-ah khelhzawh a ni.

Semi final hi june ni 16, 2015 Thawhlehni ah khelhchhunzawm leh tur a ni.

June ni 13,2015 Inrinni khan inkhel vawi li awm in, Chawnpui VR4, Mission Veng Vikings, Zarkawt BCA leh Khatla TBL te chuan Semi final an inhlangkai.

Inkhel hmasaber ah Chawnpui VR4 chuan 76-61 in MSL Club Tuikual South  anhneh.  Chawnpui VR4 hi 1st Division nilai an ni a. Quarter final thleng tur hian club pahnih anlo hneh tawh bawk a ni. Chawnpui VR4 tan hian Lalnunmawia chuan point 20 hlawhchhuakin ateam te Semi final athlenpui ta a ni. Tuikual South tan F Zodinthara chuan point 19 ahlawhchhuak ve bawk.

Inkhel vawihnihna-ah MSL Club pahnih intum in, Mission Veng Vikings chuan 64-55 in ankhingpui Chaltlang Rider anhneh. Mission Veng Vikings tan Lalrina chuan athawhhlawk hle Point 15 hlawhchhuak in ateam te achhanhim. Chaltlang Riders tan David Lalrinchhana chuan point 12 hlawhchhuak ve bawk mahse ateam te achakpui zo lo.

Inkhel vawithumna-ah MSL Club nilai ve bawk Zarkawt BCA chuan 91-54 in Zarkawt Serpent ansawp. Zarkawt BCA tan Henry Lalngaihawma chuan athawhhlawk hle a point 21 hlawhchhuakin ateam te Semi final atlenpui. Zarkawt Serpents tan Hmingthanmawia chuan point 15 ahlawhchhuak ve bawk.

Inkhel hnuhnung ber ah Khatla TBL chuan 98-38 in Dawrpui Aces an sawp. Dawrpui Aces hi 1st Division nilai mek an ni a. Quarter final thlengtur hian club pahnih anlo hneh tawh Mahse MSL Champion lai Khatla TBL hma-ah antlawm ta a ni. Dawrpui Aces tan Lalmuanpuia chuan point 8 hlawhchhuak in Khatla TBL tan Gospel Lalthawmmawia chuan point 31 lai ahlawhchhuak bawk.

-------------------------------

june NI 16, 2015 Thawhlenni Semi final fixtureS:-

05:00PM Zarkawt BCA vs Chawnpui VR4

07:00PM Khatla TBl vs Tuikual South