Mizoram Basketball Opening Season Tournament chu ni thum chawlh lailawk anih hnu in, june ni 16, 2015 Thawhlehni khan Hawla Indoor Stadium Republic Vengthlang-ah semi final khelhzawh a ni a. Zarkawt BCA leh Khatla TBL ten final an inhlangkai. Final hi june ni 19, 2015 Zirtawpni ah khelh ani ang.
MBBA season opening semi- final game hmasa zawk ah zarkawt BCA chuan 84-55 in Chawnpui VR4 hnehin final an inhlangkai.
Zarkawt BCA hian 1st quarter antan tha lo hle a, mahse coach Experience nei tha Lalruatfela (Afela ) an neih a hriat hle, 2nd quarter ah an tumpui te basket hnih chiah neih tir thei khop in an defence a tha in a hmuhnawm.
Zarkawt BCA in an player MSL a an chhawr theih loh chanmari tlangval Simon Lalremruata an chhawr thei ani hian defence ah leh offence ah impact a nei lian hle mai point 15 lai score in rebound ( offence leh defence ) vawi 13 lai nei in, experience players kawl hnem zarkawt BCA in hnehna an chang thei hram a ni.
ChaWnpui VR4 hi anchhe bik chuang lo 2nd quarter ah basket annei tlem chu atawp thlengin an tuar. MSL playoff a 2nd position lo hauh pha anni bawk a, an players ten MSL club hneh tumna nei ran in antang hle. C Lalchhanhima Dawrpui veng chuan points 13 lai Chawnpui VR4 tan nei mahse an chakzo ta nganglo a ni.
Inkhel vawi hnihna hi Mission veng vikings chuan 75-80 in ankhingpui Khatla TBL anhneh lo.
MSL club ve ve inhre chiang tawh intum ani bawk a, ahmuhnawm hle mai. Mission veng Vikings in player pawimawh Basketball lam a tui chuan kan hre deuh vek ang tih theih Lalrinkima (Kima) Saron veng an kawl Players te ati phur in game pawh atang tha hle mai. Vikings hian MSL season 2 ah pawh team khauh tak anni dawn tih antar lang. Player rotation anla inzir deuh a, mahse atawp lam-ah chuan an insiam rem hman. Coach senior Lalchhandama chuan player thar achhawr tangkai nghal hle tih ahriat theih.
MSL ah pawh Vikings tana thawhhlawk tak Jersey no 22 Lalrina Renthlei in points 17 lai hlawh chhuak in, Kima nen an inthlawp fuh nghal viau, Vikings hian players tha Mo-a leh tawn hriat ngah tawh players an ngah bawk a, anphur thar in an club khel en a manhla hle a ni.
Khatla TBL erawh MSL an pha zan lo, player ankim lo. kan
hmuh fo thin defence leh offence a ri phat hmuh tur awm talo deuh mahse tlawm antum lo, Gospela leh H.Laldinsanga (Mapuia) an langsar hle. Mapuia jersey no 7 in point 27 lai ahlawhchhuak a. Ani hian points 3 vawi li arawn hit hei hi vikings in an pawh thlak dawn hnaih lai anih thin vangin a tangkai pui hle anchakna hnar a ni.
-------------------------------------
june ni 19, 2015 Zirtawpni Final Fixtures:-
07:00PM Zarkawt BCA vs Khatla TBl