Mizoram Basketball Opening Season Tournament chu june ni 19, 2015 Zirtawpni tlai dar 5:00PM khan Hawla Indoor Stadium Republic Vengthlang-ah Final khelh ani a, Khatla TBL  an champion leh ta a ni.

MBBA Season Opening Final-ah Khatla TBL chuan 76-57 in Zarkawt BCA ansawp. MSL club ve ve inhre chiang tawh intum anni bawk a, ahmuhnawm hle mai, TBL hian bul antan tha hle.  Vanlalmuana chuan point 24 lai hlawhchhuak in, Gospela hian rebound 12 lai la in, Basket pawh athunthei hle a, steal pawh anei nual bawk. H Laldinsanga (Mapuia) akhel tha hle a anchakna hnar a ni. Hun pawimawh ah basket anrawn nei thin khan anteam te ati phur in antanphah sauh thin. 2nd guarter azawh meuh chuan Khatla TBL hian 28-9 in hma anhruai der tawh.

Experience players kawl hnem zarkawt BCA hian Semi final ankhel anpha lo hle, inkhel antan hnu-ah pawh Player paruk (6) chiah an awm. Captain Simon Lalremruata hian defence-ah leh offence ah impact a nei lian hle point 16 lai hlawhchhuak in rebound 12 ala bawk. Bul antan that loh avangin BCA lam anhnual deuh tih ahriat,  2nd guarter azawh hnu-ah BCA lam player anlo thleng tan, 3rd guarter antan Albert-a arawn lut point 8 ahlawhchhuak leh mahse ankhingpui te umpha tur chuan atawk zota chuanglo a ni.

Champion club Khatla TBL hian Rs 10,000/- leh Trophy an dawng a, Pahnihna Zarkawt BCA hian Rs 5,000/- leh Trophy an dawng bawk.