Mizoram Basketball Association (MBBA) Season Opening Tournament semifinal chu June ni 20, Ningani zan khan Hawla Indoor Stadium-ah khelh a ni a, Khatla TBL leh Zarkawt BCA chuan an khingpui ve ve hnehin final an lut.

June ni 22, Inrinni tali dar 4:00-ah pathumna zawnna Ramhlun SC leh Mission Veng Vikings an in hmachhawn ang a, final hi zan dar 7:00-ah Khatla TBL leh Zarkawt BCA te an in hmachhawn ang.

Table pangana inchuh Chawnpui BC leh Tuikual South te inkhelah Chawnpui BC te dinhmun tha zawkah ding mahse,  hun pawimawiah Tuikual South an ding chang zawk a,  Tuikual South chuan 81-74 a Chawnpui BC hnehin table-ah pangana an hauh zui ta a ni.

06:00 PM Khatla TBL 85-62 Ramhlun SC

Final luh inchuh inkhel hmasa zawk table pahnihna Khatla TBL leh pathumna Ramhlun SC te inkhelah Khatla TBL chuan 85-62 a Ramhlun SC hnehin final an lut. Team pahnih te hi League round-ah inhmachhawn tawhin Khatla TBL hian 99-51 in hnehna an chang tawh bawk.

TBL te an thawh hona a tha hle a, Thazuala (23 pts) phei chu an chakna hnar pakhat a nih bakah Hmachhuana (17 pts) leh Michael-a (12 pts) te a thawh hlawk hle bawk.

Ramhlun SC tan Ruatpuia (14 pts), Ramtiama (16pts) leh Mapuia Zote (12pts) te thawh hlawk hle mahse hnehna chang turin an thawh hona tha tawk loh leh tawnhriat an neih loh an tuar ta zawk a ni.

08:00 PM Zarkawt BCA 88-61 Mission Veng Vikings

Inkhel hnuhnungah pakhatna Zarkawt BCA leh palina Mission Veng Vikings te inkhelah Zarkawt BCA chuan 88-61 a Mision Veng Vikings hnehin final an lut. league round-ah Zarkawt BCA hian hnehna an chang tawh bawk.

Mission Veng Vikings chuan bul tan tha zawk mahse second quarter-ah erawh Zarkawt BCA chuan 35-33 a hmahruaiin chawlh lawk an hmang. Third quarter-ah pawh Zarkawt BCA bawk chungnung zawkah an tamg chhunzawm leh a, quarter a zawh meuh chuan Zarkawt BCA chuan 88-61 in hnehna an chang zui ta a ni.

Zarkawt BCA tan Lalrina Renthlei (26pts) leh Lalremsanga (25pts) an thawh hlawk hle a, an chakna hnar an ni a, Mission Veng Vikings tan Micheal-a (12pts), Mawia (11pts) leh Zonuna (11pts) te thawh hlawk hle mahse hnehna chang turin quarter hnuhnung berh turn over an ngah bakah free throw an luh theih loh an tuar ta zawk a ni.