MBBA Season Opening Champion Zarkawt BCA

23rd June 2019, 05:06AM

Mizoram Basketball Association (MBBA) buatsaih Season Opening Tournament final chu June ni 22, Inrinni zan khan Hawla Indoor Stadium-ah Khatla TBL leh Zarkawt BCA ten an khel a, Zarkawt BCA chuan 63-61 a Khatla TBL hnehin an champion ta a ni.

Champion team Zarkawt BCA hian Rs 17,000/- Trophy an dawng a, pahnihna Khatla TBL hian Rs 10,000/- Trophy an dawng thung. Most Valuable Player-ah Remsanga Zarkawt BCA chu thlan a ni a, trophy a dawng ve bawk.

Season Opening hi Ranking nghawng a nih a vangin table pathumna nih hian awm zia a nei a, tlai dar 4:00-ah pathumna in chuh Ramhlun SC leh Mission Veng Vikings an in hmachhawn a, Mission Veng Vikings chuan 95-65 a Ramhlun SC hnehin pathumna an hauh a, Ramhlun SC palina an ni a, Tuikual South pangana an ni a, parukna Chawnpui BC an ni.

Khatla TBL leh Zarkawt BCA te hi tualchhung inelnaah team i n tluk tawk tak an ni a, MSL-ah vawi hnih an champion ve ve tawh bawk. Zarkawt BCA tan Lalrina Renthlei chuan bul atan a, Khatla TBL tan semifinal-a inlan lo H Laldinsanga (Mapuia) inlan mahse hnehna erawh a chanpui zo lo.

Inkhel tan a ni a, Zarkawt BCA chuan bul tan tha zawkin Lalrina Renthlei, Zonuna leh Remsanga an thawh hlawk hle. Second quarter-ah pawh Zarkawt BCA bawk chungnung zawkah tangin Remsanga leh Zonuna an langsar zui leh a, Third quarter-ah pawh Zarkawt BCA bawk hmahruaitu an ni a, Remsanga, Zonuna leh Lalrina Renthlei te bawk an langsar zui leh bawk.

Quarter hnuhnung berah pawh Zarkawt BCA bawk chungnung zawkah tangin an inthlah dah deuh lai remchangah Khatla TBL chuan an rawn umphak ta.  Hnehna channgei tumin bei zui mahse,  Zarkawt BCA tan Lalrina Renthlei leh Rosanga chuan basket an rawn nei zui a, hnehna an rawn chang ta zawk a ni.

Inkhel pumpui thlirin Zarkawt BCA hian inkhel an thunun tluan zak a, Lalrina Renthlei (20pts), Zonuna (15pts) leh Remsanga (15pts) te an thawh hlawk hle a, an chakna hnar an ni a, an thawh hona a that bakah hunpawimawiah an chiai lo a, phutakin hnehna an chang ta a ni.

Khatla TBL tan Thianga (10pts) Chpa (11pts) leh Thazuala (20pts) te thawh hlawk hle mahse hunpawimawhah basket an nei hkei thei lo a, trun over an neih bakah an thawhhona that tawk loh an tuar a tih theih awm e.

Lawmman:

Champion : Zarkawt BCA, Trophy, Rs 17,000/-

Pahnihna : Khatla TBL, Trophy, Rs 10,000/-

Most Valuable Player: Remsanga, Zarkawt BCA, Trophy

(adsbygoogle = window.adsbygoogle || []).push({});

Copyright © inkhel.com 2024. All rights reserved.