MSSC Ruby Jubilee Commemorative & MBBA Season Open Basketball Tournament 2016 final-ah MSL club pahnih Tuikual South leh Khatla TBL an inhmachhawn dawn.

July ni 27, Nilaini khan semifinal zawhfel a ni a, inkhel hmasaah Khatla TBL chuan 80-74 a Zarkawt Serpents hnehin final an lut a, semifinal hnuhnung zawngah Tuikual South BC chuan 76-53 a Mission Veng Vikings hnehin final an lut ve bawk.

Final-a inhmachhawn turte hi MSL hnuhnung ber final-a intumte kha an ni a, inkhel hmuhnawm leh inhnehtawk leh hle tura ngaih an ni. Final hi inrinni July ni 30, Inrinni chawhnu dar 2:00-ah Hawla Indoor Stadium-ah khelh a ni ang a, Mizoram State Sports Council Secretary C.Laltlanthanga chu khual lian a ni ang.

MSSC Ruby Jubilee pual leh MBBA season hawnna Basketball tournament hi June 27 atang khan Hawla Indoor Stadium, Republic Vengthlangah khelh tan a ni a, Team 54 lutin chung zinga team 6 chu MSL team an ni a, Division club 5 leh Division II club 43 an tel a ni.

(adsbygoogle = window.adsbygoogle || []).push({});