MBBA League Final chu February ni 7, Thawhlehni khan Hawla Indoor stadium-ah khelh a ni a, Division 1-ah Republic VR 4 chuan 80-64 a Dawrpui Vengthar SC hnehin an champion-a Rs 10,000/- leh Trophy an dawng; pahnihna Chawnpui Vengthar SC hian Rs 5000/- an dawng thung a ni.

Divosion II-ah Chawnpui BC chuan 73-66 a VMS Kulikawn hnehin an champion a, Rs 5000/- leh Trophy an dawng a, pahnihna VMS Kulikawn hian Rs 3000/- an dawng thung.

Division I final hmuhnawm takah Republic VR 4 chuan 80-64 in Dawrpui Vengthar SC an hneh a, quarter tirah an inbei tawk hle a, 2nd quarter-ah VR4 game-a tha chho tan a, half time anih meuh chuan VR 4 chuan 42-34 in hma an hruai hman; 3rd quarter leh 4th quarter-ah VR 4 chungnung zui lehin a tawpah point 16 in hnehna an chang ta a ni. Republic Vr4 tan Dara chuan point 15 thunin Manuna chuan point 15-a thun ve bawk. DVSC lamah Rinchhana chuan point 20 thunin mimala chetha ber a ni.

Division II final-ah Chawnpui BC chuan 73-66 in VMS Kulikawn an hneh a, Chawnpui BC-in bul tan tha mahse, 2nd quarter-ah VMS chuan na takin an nawr a; mahse, Chawnpui BC hian 34-28 a hmahruai zelin 3rd guarter a nih meuh chuan Chawnpui chuan 52-42 in hmahruaitu nihna an chang leh ta a ni.  4th quarter-ah VMS lamin pawhthlak an tum hle a, hun remchang hmu mahse, Chawnpui  dang zo tur khawpin chakna an nei  lo.

VMS Kulikawn leh Chawnpui BC te hian season tharah Division I an kai ang a,  MSL qualifying hi Febuary ni 9, Ninganiah khelh tan a ni ang. 

MSL Qualifying Fixtures:-

Febuary ni 9, Ningani Time: 7:00PM

Minikins(Champhai) VS Repulic VR 4

Febuary ni 10, Zirtawp Time: 7:00PM

Dawrpui Vengthar sporting club VS Minikins (Champhai)

Febuary ni 11, Inrinni Time : 7:00PM

Republic Vr4 VS Dawrpui Vengthar Sporting club