MBBA Division League-ah Dawrpui VT leh Republic VR4 te Final an lut

31st January 2017, 10:01PM

MBBA Division League Division 1 Semifinal inkhel hmasa zawkah Dawrpui Vengthar Sporting Club-in 84-78 in Ramhlun Sporting Club an hneh a, inkhel hnuhnungah Republic Vr4 chuan 76-62 a BC Bethlehem  hneh ve bawkin final-ah anin hma chhawn dawn ta a ni.

Division I Final hi Febuary ni 7, 2017 zanah Hawla Indoor Stadium-ah khelh tur a ni a, finalist club-te hian Mizoram Super League qualifying an khel ang. Champhai District team nen MSL qualifying an khel ang a, chuta sang ber chuan MSL 4 an khel dawn a ni. Pahnihna leh MSL hnuhnung bera 5-naten playoff an khel ve thei bawk ang.

Inkhel hmuhnawm takah bul tan tha zawk leh a tawp khar tha Dawrpui Vengthar an chungnung. Quarter hmasa berah Dawrpui Vengthar chuan 26-16 in anhneh a, 2nd quarter-ah Ramhlun SC-in mawi takin 29-13 in an lehthal ve thung. Half time-a an dinhmun chu DVSC 39-45 RSC a ni.

3rd quarter-ah na taka DVSC-in nawrin point 26 an hmuh belh a, hetihlai hian RSC-in 3rd quarter-ah point 16 chauh thun belhin an hmahruaina an hloh ta a ni. 4th quarter-ah DVSC-in point 19 thun belhin RSC-in point 17 an thun belh ve bawk a, inkhel a zoh meuh chuan  Dawrpui Vengthar Sporting Club  chuan point 8-in hnehna an chang ta a ni.

Semifinal inkhel hnuhnungah Republic Vr4 chuan 76-62 in BC Bethlehem an hneh a, 1st quarter-ah sang zawk awm lova aninnawr tawn zak zak hnuah  BC Bethlehem-in 16-15 in hma anhruai hram; 2nd quarter-ah 23-10 in VR4-in khelmual thuneihna an chang thung; 3rd quarter-ah an inbeitawk zui hle a, VR4-in point 18 thun belhin, Bethlehem lamin point 19, an thun ve bawk. 4th quarter-ah VR4-in point 20 thun belh leh in point 14-in VR4 an chak ta a ni.

MBBA league Division II-ah awlsam takin K.K leh Chronic an chak a, an khingpuite an inlan loh avangin 20-0 (forfeit) a chaka puan an ni.

MBBA Division League January ni 31, Thawhlehni Division II  Results:-

Match 1: MSV Jr BC 0-20 Chronic (Div II) 

Match 2: K.K 20-0 Leaners (Div II) 

MBBA Division League January ni 31, Thawhlehni Division I Semifinal Results:-

Match 1: DVSC 84-78 RSC (Div I)

Match 2: Republic Vr4 76-42 BC Bethlehem (Div I)

Febuary ni 1, 2107 Nilaini Division II Fixtures:-

(Pre-quarterfinals) 9:30 AM Vanguard Vs BC Kulikawn (Div II) 

10:30 AM KK Vs OPD Venghlui (Div II) 

12:30 PM Chrisfour Vs Châltlang (Div II) 

2:00 PM Peagsus Vs Chawnpui (Div II)

Copyright © inkhel.com 2024. All rights reserved.