MBBA cup 2017 Champion Zarkawt BCA

19th November 2017, 10:11PM

MBBA cup final chu November ni 18, Inrinni zan khan Hawla Indoor Stadium Republic Vengthlangah khelh a ni a. Zarkawt BCA te chuan Khatla TBL chu 74-69 a hnenhin an champion

(adsbygoogle = window.adsbygoogle || []).push({}); 

MBBA cup 2017 hi kum dang ang lo takin tun kumah hian club awm zawng zawngin an khel lo a. League leh tournament a kheltha bik club 8 thlanchhuah ten an khel a ni. Tin kum danga tih ngai loh 3rd place zawnna neih a ni bawk.

Final tlai dar 5:00 ah khan 3rd palce zawnna neih a ni a. MSL3 champion lai Mission Veng Vikings chu Tuikual South BC lakah an tlawm a, Tuikual South BC te an game a entawn tlak hle a ni.

Zan dar 7:30 ah Final khelh zawm a ni a. Game tan tirh atangin inkhel a tang hle a, BCA ten hma an hruai cho ngar ngar a. Player lian leh sang Mathew-a leh Zonuna te an langsar hle.

2nd quarter-ah TBL pawh in siam thain tan an khawh a, BCA hmahruai lai an rawn ti tawp tan ta, hmahruai thei zawk awm lo in an inlehthal chawk a ni ber mai. 

3rd quarter a zawh meuh chuan point pawh 51-51 ah a la ding hrih a ni. TBL tan Gospel Lalthuammawia a rawn tal na hle a, tin BCA lamah Lalrin Renthlei in 3pointer hmangin TBL a rawn kap let ve bawk.

4th quarte khelh chhung hian hmahruai thei zawk an awm thei lo a. TBL tan Vanlalmuana chuan 3point a rawn thun a, rang tak main Zonuna’n a 2points-in a rawn chhang let ve nghal. Point 2-in BCA hmahruai lai chu TBL tan Chpa'n freethrow in a rawn um pha leh chiah a, minute 1 vel bak a awm tawh lo.

Hun tawp dawnah BCA tan  Henry-a chuan freethrow hmang thoin BCA tan lead na chance a rawn siam hlauh mai le, second tlem a la awm tihah Lalrina freethrow chuan BCA point an belh leh a, ti hi chuan champion rilru an pu tawh a mahse an la chiang ngam lo, 3points avanga Overtime khel thei an la ni. 72-69 a la ni tlat mai, le a tawp nan BCA tan Henry-a chuan free throw vawi 2 ngawt mai a belh ta, BCA chuan 74-69 in hnehna an chang ta a ni. 

(adsbygoogle = window.adsbygoogle || []).push({});

Copyright © inkhel.com 2024. All rights reserved.