07 May 2015 06:29

digimalt

​Mayweather vs Pacquiao Rematch chu hei le

Pathianni zing khan Las Vegas-ah Boxing history-a inhnek sum tamna berah Mayweather chuan Manny Pacquiao a hneh a nih kha. Manny fans an lungawi lo, Mayweather chak zawkah an pawm thei lo.

Hetih lai hian Boxing expert-te chuan Mayweather khelh dan ropui an ti a, hahipin an fak. Thenkhat chuan Judge-te point pek dan a dik loh an ring, chutih lai takin Daily Mail chuan an pe sual ngei a ni tiin a document te an rawn phawrh a. Hei erawh thu belchian dawllo nia sawi chhunzawm a ni.

Manny chuan a dar hliam a lo zep ru reng chu niin, hengte a nih avangin inhnek that chungchang sawi rik a ni a. Sapram media te chuan an inhnek tha leh dawn niin thu an vawrh darh ta chuai chuai mai le. Hetiang thuthang a awm mek lai hian Mayweather chuan engtik lai pawha inhnek that a hreh loh thu,"Kuminah zai a nih hnuin ka hnek tha leh ang,"tiin American Jourlanist hnenah a hrilh tih Daily Mirro chuan a tarlang ta kalh mai.

Fight Promoter Bob Arum pawh a rawn tawngchhuak ve chhunzawm bawk a, Mayweather-a'n inhnek that pawi a tih loh thu hi a dik ngei a ni tih Bob Arum chuan a sawi. Tin, Arum hian inhnek that an duh chuan chu chu a theih a rin thu a sawi tel bawk.

Pound-for-pound lalpa nia inchhal Mayweather hian 48-0 record a nei ta. Kumin September thla hian vawikhat inhnek leh a tum thu a sawi a, hemi zawh chuan boxing chawlhsan a tum. September thlaa a hnek tur hi a la chiang lo, Amir Khan a nih an ring fur mai. Amir khan hi a hneh a nih chuan Mayweather hian 49-0 record a nei dawn. Mahse hemi record nei chunga a chawl a nih chuan Rocky Marciano record a phak dawn lo. Boxer ropui ber pakhat nih theihna chu Rocky Marciano record nihrual pui emaw khum emaw a ni. Chuvang chuan Mayweather hian Pacman nena rematch neih hi a hreh dawn lo nia sawi a ni.

MGM Grand-a an inhnek tum khan Manny leh Floyd te hian $100m chuang ve ve an dawng a. An hlawk hem hem hle mai. Inhnek tha leh ngat selang chuan sum tam tak nen boxing an chawlhsan thei dawn. Chumi chu Floyd hian rem a tih ngei a rinawm a ni.